லண்டன் வெம்ப்லியில் சீதையாக மேடையேறும் ஈழத்துத் தமிழ் வம்சாவழி இளம் நடிகை
ஈழத்துத் தமிழ் வம்சாவழியைச் சேர்ந்த 19 வயதான இளம் நடிகை பவித்ரா கணநாதன், லண்டன் வெம்ப்லியில் நடைபெறவுள்ள பிரம்மாண்ட இசைநாடகமான “Diwali Story: The Journey of Ram – A Musical” நிகழ்ச்சியில் சீதா கதாபாத்திரத்தில் நடிக்கவுள்ளார்.
எதிர்வரும் செப்டம்பர் 27ஆம் தேதி, லண்டன் OVO Arena Wembley அரங்கில் நடைபெறவுள்ள இந்த இசைநாடகத்தின் மூலம் பவித்ரா தனது தொழில்முறை நடிப்புப் பயணத்தை ஆரம்பிக்கிறார்.
நடிகை, எழுத்தாளர், பாரதநாட்டியக் கலைஞர் மற்றும் பல்கலைக்கழக மாணவியான பவித்ரா, இந்த இசைநாடகத்தில் ராமர் கதாபாத்திரத்தில் நடிக்கும் கிரண் கானனுடன் இணைந்து நடிக்கவுள்ளார்.
முன்னணி நாடக அமைப்பு
தொழில்முறை நடிகர்களுடன் சுமார் 100 சமூக நடிகர்கள் மற்றும் நடனக் கலைஞர்களும் இதில் பங்கேற்கின்றனர்.
பவித்ரா தனது ஐந்து வயதில் The Little Mermaid மேடைநாடகத்தில் உர்சுலா கதாபாத்திரத்தில் நடித்ததன் மூலம் நடிப்புத் துறையில் தனது பயணத்தை ஆரம்பித்தார்.
கடந்த 14 ஆண்டுகளில் National Youth Theatre, Rose Theatre உள்ளிட்ட முன்னணி நாடக அமைப்புகளுடன் இணைந்து பயிற்சியும் மேடை அனுபவமும் பெற்றுள்ளார்.
தற்போது Collective Acting Studioவில் நடிப்புப் பயிற்சியைத் தொடரும் அவர், 2024ஆம் ஆண்டு National Iris Breuer Writing Award விருதையும் பெற்றுள்ளார்.
பாரம்பரியக் கலை
நடிப்புடன் பாரம்பரியக் கலைகளிலும் ஆர்வம் கொண்டுள்ள பவித்ரா, ஏழு வயதில் தனது அத்தை மீனா இளங்குமரனிடம் பாரதநாட்டியம் கற்க ஆரம்பித்தார்.
2025 மார்ச் மாதம் தனது பாரதநாட்டிய அரங்கேற்றத்தை நிறைவு செய்ததுடன், 12 வயது முதல் கர்நாடக சங்கீதத்திலும் பயிற்சி பெற்று வருகிறார்.
சீதா கதாபாத்திரத்தில் நடிப்பது குறித்து பவித்ரா கூறுகையில், சீதையின் வாழ்க்கைப் பயணத்தின் முக்கியமான ஒரு பகுதி ஈழத்துடன் தொடர்புபட்டிருப்பதால், இந்தக் கதாபாத்திரம் தனக்கு மிகவும் அர்த்தமிக்கதாக இருப்பதாகத் தெரிவித்துள்ளார்.
ஈழத்தின் நிலப்பரப்பு, வரலாறு மற்றும் பாரம்பரியங்கள் இராமாயணத்துடன் கொண்டுள்ள தொடர்பை ஆராய்வதற்கும், காலத்தைக் கடந்த இந்தக் கதையை புதிய தலைமுறையினரிடம் கொண்டு செல்வதற்கும் இந்த வாய்ப்பு உதவுவதாகவும் அவர் குறிப்பிட்டுள்ளார்.
| https://ibctamil.com/article/22nd-amendment-bill-officially-comes-into-effect-1790350979 |
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
யாழ்ப்பாணம், வவுனியா, கனடா, Canada, Montreal, Canada
31 Aug, 2015
