கண்டியில் இருதய சத்திர சிகிச்சைக்காக காத்திருக்கும் நூற்றுக்கணக்கான நோயாளர்கள்
கண்டி(kandy) தேசிய வைத்தியசாலையின் இருதய சிகிச்சைப் பிரிவில் சுமார் 100 நோயாளர்கள் இருதய சத்திரசிகிச்சை மேற்கொள்ள முடியாமல் கடும் சிரமங்களுக்குள்ளாகி வீடுகளிலேயே காலத்தைக் கடத்த வேண்டிய நிலை ஏற்பட்டுள்ளதாகவும் இதனால் அவர்கள் மிகவும் அநாதரவாக உள்ளதாகவும் தெரிவிக்கப்படுகிறது.
சத்திரசிகிச்சைக்காக பல மாதங்களாக காத்திருந்த நிலையில், நோய்வாய்ப்பட்ட அவர்களது உறவினர்கள் அவர்களை மருத்துவமனையை விட்டு கூட்டி வந்துள்ளதாக அந்த நோயாளிகளின் உறவினர்கள் கூறுகின்றனர்.
சத்திரசிகிச்சை தாமதம் காரணமாக
இருதய சத்திரசிகிச்சையை எதிர்பார்த்து கண்டி தேசிய வைத்தியசாலையின் இருதய நோயாளர் பிரிவுகளில் (71, 72) சிகிச்சை பெற்று வந்த ஒரு சில இதய நோயாளிகள், சத்திரசிகிச்சை தாமதம் காரணமாக வைத்தியசாலையை விட்டு வெளியேறிய நிலையில், தமது சிரமங்களை ஊடகங்களிடம் கூட தெரிவித்துள்ளனர்.
பைபாஸ் இதய அறுவை சிகிச்சைக்கான திகதிகள் அறிவிக்கப்படும் வரை, இதய அறுவை சிகிச்சைக்காக காத்திருப்போர் பட்டியலில் இருப்பதாகவும், விடுதியில் அனுமதிக்கப்படும் இதய நோயாளிகளுக்கு மட்டுமே சிறப்பு சிகிச்சை அளிக்கப்படும் என்றும் அவர்கள் தெரிவித்துள்ளனர்.
கண்டியில் உள்ள இருதய சிகிச்சை பிரிவு 71ல் சிகிச்சை பெற்று வரும் நோயாளி ஒருவர், பைபாஸ் சத்திரசிகிச்சை செய்ய எதிர்பார்த்து சுமார் மூன்று மாதங்கள் வைத்தியசாலையில் தங்கியிருந்ததாகவும், சத்திரசிகிச்சை தாமதமானதால் தானாக முன்வந்து பயணச்சீட்டை கட் செய்துவிட்டு வீட்டுக்கு வந்ததாகவும் தெரிவித்தார்.
பைபாஸ் இதய சத்திரசிகிச்சைக்கு
பைபாஸ் இதய சத்திரசிகிச்சைக்கு உட்படுத்தப்படவுள்ள இருதய நோயாளர்கள் மூன்று, நான்கு மாதங்களாக கண்டி தேசிய வைத்தியசாலையில் காத்திருப்போர் பட்டியலில் இருப்பதாக தெரிவிக்கப்படுகிறது.
தொழில் வல்லுநர்களை இலக்காகக் கொண்ட வரி முறை மற்றும் நாட்டில் ஏற்பட்டுள்ள பொருளாதார நெருக்கடி காரணமாக பல வைத்தியர்கள் வைத்தியசாலைகளை விட்டு வெளியேறி வெளிநாடுகளுக்குச் சென்றுள்ளமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
மானிப்பாய், கொக்குவில், மட்டக்களப்பு, அண்ணா நகர், India, London, United Kingdom
27 Mar, 2025
ஆனைக்கோட்டை, யாழ்ப்பாணம், தெல்லிப்பழை வீமன்காமம், வவுனியா, கொழும்பு, Toronto, Canada, Ottawa, Canada
19 Mar, 2026
