மொஸ்கோ தாக்குதலின் போது 15 வயது மாணவன் செய்த காரியம்: குவியும் பாராட்டுக்கள்

Ukraine World Russia

By Dhilak Mar 24, 2024 06:26 PM GMT

Dhilak

in உலகம்

Report

ரஷ்யாவில் தீவிரவாத தாக்குதலின் போது திரையரங்கில் தங்கியிருந்த 100க்கும் மேற்பட்டோரின் உயிரைக் காப்பாற்றிய 15 வயது பள்ளி மாணவன் குறித்து ரஷ்ய ஊடகங்கள் செய்தி வெளியிட்டுள்ளன.

இஸ்லாம் கலிலோவ் என்ற இந்த பள்ளி மாணவர், தாக்குதல் நடந்த அரங்கில் பகுதி நேரமாக வேலை செய்து வந்துள்ளார்.

பயங்கரவாதிகளின் துப்பாக்கிச் சூட்டுக்கு நடுவே பீதியில் ஓடிய மக்களை மண்டபத்தில் இருந்து வெளியே வர வழியனுப்பி வைத்த இந்த பள்ளி மாணவன் பலராலும் பாராட்டப்பட்டு வருவதாக கூறப்படுகிறது.

அமெரிக்க உளவுத் துறை

இதேவேளை, மொஸ்கோ தாக்குதல் தொடர்பில் அமெரிக்க உளவுத் துறை கடந்த பதினைந்து நாட்களுக்கு முன்னர் ரஷ்யாவிற்கு தகவல்களை வழங்கியதாக வெளியான தகவலை அமெரிக்காவுக்கான ரஷ்ய தூதுவர் மறுத்துள்ளார்.

மொஸ்கோ தாக்குதலின் போது 15 வயது மாணவன் செய்த காரியம்: குவியும் பாராட்டுக்கள் | 15 Old Student S Actions During The Moscow Attacks

அத்தோடு, குறித்த தாக்குதல் சில காலமாக திட்டமிடப்பட்டதாகவும், தாக்குதல் நடத்தியவர்கள் உக்ரைன் நோக்கி தப்பிச் செல்ல முயன்ற வேளை கைது செய்யப்பட்டுள்ளதாக வெளிநாட்டு ஊடகங்கள் செய்தி வெளியிட்டுள்ளன.

பொறுப்பேற்ற அமைப்பு

ரஷ்யாவின் மொஸ்கோ அருகே குரோகஸ் சிட்டி ஹோலில் நடைபெற்ற இசை நிகழ்ச்சியை குறிவைத்து நடத்தப்பட்ட தீவிரவாத தாக்குதலில் 133 பேர் உயிரிழந்துள்ளதோடு150க்கும் மேற்பட்டோர் படுகாயம் அடைந்துள்ளனர்.

மேலும், இரண்டு தசாப்தங்களுக்குப் பிறகு ரஷ்யாவில் பதிவாகிய இந்த மிக மோசமான பயங்கரவாத தாக்குதலுக்கு இஸ்லாமிய அரசு அல்லது ஐஎஸ் அமைப்பு பொறுப்பேற்றுள்ளதாக தெரிவிக்கப்படுகிறது.