நாளை முதல் ஆரம்பமாகவுள்ள 161 உள்ளூராட்சி நிறுவனங்களின் பணிகள்
பொது நிர்வாகம், மாகாண சபைகள் மற்றும் உள்ளூராட்சி மன்ற அமைச்சரின் (PUBAD) வர்த்தமானி அறிவிப்பின்படி, நடைபெற்று முடிந்த உள்ளூராட்சி மன்றத் தேர்தல் முடிவுகளுக்கு அமைய சபைகளை நிறுவுவது நாளை (02) மேற்கொள்ளப்பட வேண்டும் என தெரிவிக்கப்பட்டுள்ளது.
அரசியல் கட்சி அல்லது சுயாதீன குழு பெரும்பான்மை அதிகாரத்தைப் பெற்றுள்ள 161 நிறுவனங்கள் தொடர்பான சபைகளை அமைப்பது நாளை மேற்கொள்ள முடியும் என குறிப்பிடப்பட்டுள்ளது.
அதேநேரத்தில் ஏனைய நிறுவனங்களில் சபைகளை அமைப்பது, உள்ளூராட்சி மன்ற ஆணையர்களின் தலைமையில் அந்த உள்ளூராட்சி நிறுவனங்கள் கூடி தீர்மானிக்கப்படும்.
வெளியான வர்த்தமானி
339 உள்ளூராட்சி நிறுவனங்கள் தொடர்பாக மே 06 ஆம் திகதி நடைபெற்ற உள்ளூராட்சி மன்றத் தேர்தலின் முடிவுகளின்படி தேர்ந்தெடுக்கப்பட்டு மற்றும் தெரிவு செய்து அனுப்பப்பட்ட உறுப்பினர்களின் பெயர்கள் தேர்தல் ஆணைக்குழுவால் (Election Commission) நேற்று வர்த்தமானி மூலம் அறிவிக்கப்பட்டன.
161 உள்ளூராட்சி மன்றங்கள் தொடர்பாக அரசியல் கட்சிகள் அல்லது சுயாதீன குழுக்கள் பெரும்பான்மை அதிகாரத்தைப் பெற்றிருந்தாலும், 178 நிறுவனங்கள் தொடர்பாக எந்த ஒரு கட்சியோ அல்லது சுயாதீன குழுவோ முழுமையான வெற்றியைப் பெறவில்லை.
அதன்படி, எந்தப் பிரச்சினையும் இல்லாத உள்ளூராட்சி நிறுவனங்களுக்கு அந்தந்த அரசியல் கட்சிகள் அல்லது சுயாதீனக் குழுக்களால் பரிந்துரைக்கப்பட்ட நிறுவனத் தவிசாளர்களின் பெயர்களை வர்த்தமானியில் வெளியிட தேர்தல் ஆணைக்குழு நடவடிக்கை எடுத்துள்ளது.
உள்ளூராட்சி நிறுவனங்களின் பதவிக்காலம்
பொது நிர்வாகம், மாகாண சபைகள் மற்றும் உள்ளூராட்சி மன்ற அமைச்சர் பெப்ரவரி மாதம் 17 ஆம் திகதி வெளியிட்ட வர்த்தமானி அறிவிப்பின்படி, உள்ளூராட்சி நிறுவனங்களின் பதவிக்காலம் நாளை தொடங்க வேண்டும்.
அதன்படி, 50% இல்லாத உள்ளூராட்சி நிறுவனங்களின் தவிசாளர்கள் மற்றும் உப தவிசாளர்கள் தேர்ந்தெடுப்பது குறித்து நாளை உள்ளூராட்சி ஆணையர்கள் தலைமையில் நடைபெறும் அந்த உள்ளூராட்சி நிறுவனங்களின் கூட்டத்திற்குப் பிறகு முடிவு செய்யப்படும் என தெரிவிக்கப்பட்டுள்ளமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
வேலணை 1ம் வட்டாரம், மண்கும்பான் மேற்கு, Liestal, Switzerland
10 Aug, 2025
புங்குடுதீவு 10ம் வட்டாரம், சென்னை, India, Toronto, Canada
09 Sep, 2023
புங்குடுதீவு 6ம் வட்டாரம், Toronto, Canada, வவுனியா, கொட்டாஞ்சேனை
09 Sep, 2021
புங்குடுதீவு 10ம் வட்டாரம், புங்குடுதீவு 3ம் வட்டாரம், Ajax, Canada
03 Sep, 2025
