தேர்தலுக்கு 10 நாட்கள் : 215 எம்பிக்களுக்கு வழங்கப்பட்ட துப்பாக்கிகள்
Sumithiran
in பாதுகாப்பு
எதிர்வரும் 21 ஆம் திகதி ஜனாதிபதி தேர்தல் நடைபெறவுள்ள நிலையில் 225 எம்.பிக்களில் 215 பேருக்கு தலா இரண்டு ரிப்பீட்டர் துப்பாக்கிகள் பாதுகாப்பு அமைச்சால் வழங்கப்பட்டுள்ளது.
ரீலோடிங் தேவையில்லாமல் பல ரவுண்டுகளை சுடும் திறன் கொண்ட இந்த துப்பாக்கிகள், எம்.பி.க்கள் தங்கள் பாதுகாப்பு குறித்து எழுப்பிய கவலைகளுக்கு பதிலளிக்கும் வகையில் வழங்கப்பட்டன.அத்தகைய ரிப்பீட்டர் துப்பாக்கியை ஒரே நேரத்தில் பத்து தோட்டாக்களுடன் பயன்படுத்தலாம்.
பணம் செலுத்திய பின்னர் வழங்கப்பட்ட துப்பாக்கிகள்
ஒவ்வொரு எம்.பி.க்கும் இரண்டு ரிப்பீட்டர் ஷொட்கன்கள் வேண்டும் என்ற கோரிக்கை சுமார் பத்து மாதங்களுக்கு முன்பு நாடாளுமன்ற அதிகாரிகளால் முன்வைக்கப்பட்டது.
தற்போதைய நிலை குறித்து பாதுகாப்பு அமைச்சகத்தின் உயர்மட்ட வட்டாரம் கூறுகையில், பத்து எம்.பி.க்கள் தவிர, அனைத்து எம்.பி.க்களும் பணம் செலுத்திய பின்னரேயே அவற்றை பெற்றுக் கொண்டனர்.
சீனாவில் தயாரிக்கப்பட்ட கைத்துப்பாக்கிகள் முன்னர் நாடாளுமன்ற உறுப்பினர்களுக்கு வழங்கப்பட்டன, ஆனால் அவற்றில் பெரும்பாலானவை தற்போது செயலிழந்துள்ளன, எனவே ரிப்பீட்டர் துப்பாக்கிகளை வழங்க முடிவு எடுக்கப்பட்டது.
பாதுகாப்பு அமைச்சு விதித்த நிபந்தனை
இவ்வாறு வழங்கப்பட்ட துப்பாக்கிகளை மூன்றாம் தரப்பினருக்கும் மாற்ற முடியாது என்று பாதுகாப்பு அமைச்சகம் நிபந்தனை விதித்துள்ளது.எம்.பி.க்கள் எதிர்காலத்தில் பதவியில் இருந்து வெளியேறினாலும் அவர்கள் அவற்றை தக்கவைத்துக் கொள்ள உரிமை உண்டு.
2022 மே மாதம் 9 ஆம் திகதி கொழும்பில் இடம்பெற்ற ஆர்ப்பாட்டத்தின் உச்சக்கட்டத்தின் போது நாடாளுமன்ற உறுப்பினர் ஒருவர் அரகலய உறுப்பினர்களால் சித்திரவதை செய்யப்பட்டு கொல்லப்பட்டார். மேலும், 72 நாடாளுமன்ற உறுப்பினர்களின் வீடுகளும், ஜனாதிபதி ரணில் விக்ரமசிங்கவின்(ranil wickremesinghe) தனிப்பட்ட நூலகமும் எரிக்கப்பட்டமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
யாழ்ப்பாணம், மானிப்பாய், தொல்புரம், London, United Kingdom
12 Sep, 2024
