மட்டக்களப்பில் தகாத முறைக்கு உட்படுத்தப்பட்ட 15 வயது சிறுமி: இருவர் கைது

Batticaloa Sri Lanka Police Investigation Eastern Province

By Laksi May 14, 2024 03:19 PM GMT

Laksi

in குற்றம்

Report

மட்டக்களப்பு (Batticaloa) - வெல்லாவெளி பிரதேசத்தில் 15 வயது சிறுமி ஒருவரை தகாத முறைக்கு உட்படுத்திய குற்றச்சாட்டில் இரண்டு இளைஞர்கள் கைது செய்யப்பட்டுள்ளனர்.

குறித்த கைது நடவடிக்கையானது நேற்று (13) இரவு இடம்பெற்றுள்ளதாக வெல்லாவெளி காவல்துறையினர் தெரிவித்துள்ளனர்.

காவல் நிலையத்தில் முறைப்பாடு

சம்பவம் தொடர்பில் தெரியவருகையில், வெல்லாவெளி பிரதேசத்தைச் சேர்ந்த 15 வயது சிறுமி கடந்த 7 ஆம் திகதி தனது வீட்டில் இருந்து அம்மம்மா வீட்டிற்கு சென்று அங்கிருந்து தனிமையில் திரும்பிக் கொண்டிருந்த வேளை, சிறுமியை இரு இளைஞர்கள் கடத்திச் சென்று தகாத முறைக்கு உட்படுத்தியுள்ளனர்.

மட்டக்களப்பில் தகாத முறைக்கு உட்படுத்தப்பட்ட 15 வயது சிறுமி: இருவர் கைது | 2Youths Arrested Abuse 15 Years Girl In Batticaloa

இந்நிலையில், பாதிக்கப்பட்ட சிறுமி பெற்றோரிடம் தெரிவித்ததையடுத்து> காவல் நிலையத்தில் நேற்று (13) முறையிடப்பட்டுள்ளது.

நீதிமன்றத்தில் முன்னிலை

இதனையடுத்து, அதே பகுதியைச் சேர்ந்த 26 மற்றும் 21 வயதுடைய இரு இளைஞர்கள் கைது செய்யப்பட்டுள்ளனர்.

மேலும், பாதிக்கப்பட்ட சிறுமி வைத்தியசாலையில் அனுமதிக்கப்பட்டுள்ளதுடன், கைது செய்யப்பட்டவர்களை நீதிமன்றத்தில் முன்னிலைப்படுத்த நடவடிக்கை எடுத்துள்ளதாக காவல்துறையினர் தெரிவித்துள்ளனர்.