யாழில் விபத்தில் சிக்கி 3 இளைஞர்கள் வைத்தியசாலையில் அனுமதி...!

Jaffna Sri Lanka Accident

By Shalini Balachandran Nov 04, 2026 08:30 AM GMT

Shalini Balachandran

in சமூகம்

Report

யாழில் விபத்தில் சிக்கி மூன்று இளைஞர்கள் படுகாயமடைந்துள்ளனர்.

ஊர்காவற்றுறை பிரதான வீதியின் அராலிச் சந்திக்கு அண்மையில் இன்று (04-11-2026) இவ்விபத்து சம்பவத்துள்ளது.

விபத்தில் படுகாயமடைந்த இளைஞர்கள் யாழ்ப்பாணம் போதனா வைத்தியசாலையில் அனுமதிக்கப்பட்டுள்ளனர்.

தொலைத்தொடர்பு

சம்பவம் தொடர்பில் மேலும் தெரியவருகையில்,

ஊர்காவற்றுறை திசையிலிருந்து யாழ்ப்பாணம் நோக்கி அதிவேகமாகப் பயணித்த முச்சக்கரவண்டி, சாரதியின் கட்டுப்பாட்டை இழந்து வீதியோரத்திலிருந்த தொலைத்தொடர்பு கம்பத்துடன் மோதியதில் இந்த விபத்து நேர்ந்துள்ளது.

தொலைத்தொடர்பு கம்பத்துடன் மோதியதில் முச்சக்கரவண்டியில் பயணித்த மூன்று இளைஞர்களும் தூக்கி வீசப்பட்டு படுகாயமடைந்த நிலையில் வீதியில் கிடந்துள்ளனர்.

யாழில் விபத்தில் சிக்கி 3 இளைஞர்கள் வைத்தியசாலையில் அனுமதி...! | 3 Youth Injured As Auto Hits Pole In Jaffna

இதன்போது அவ்வழியாகச் சென்ற பொதுமக்கள் விரைந்து செயற்பட்டு தனியாருக்குச் சொந்தமான மற்றுமிரு முச்சக்கரவண்டியின் உதவியுடன் காயமடைந்தவர்களை யாழ்ப்பாணம் போதனா வைத்தியசாலைக்குக் கொண்டு சென்று அனுமதித்துள்ளனர்.

இதேவேளை, விபத்து இடம்பெற்றதைத் தொடர்ந்து அவசர அம்புலன்ஸ் சேவைக்கு அழைப்பு விடுக்கப்பட்ட போதிலும் அம்புலன்ஸ் இறுதிவரை சம்பவ இடத்திற்கு வருகை தரவில்லை எனத் தெரிவிக்கப்படுகிறது.

இது தொடர்பில் பொதுமக்கள் மத்தியில் விசனம் ஏற்பட்டுள்ளது.

விபத்து தொடர்பான மேலதிக விசாரணைகளை ஊர்காவற்றுறைப் காவல்துறையினர் முன்னெடுத்து வருகின்றமை குறிப்பிடத்தக்கது.