பாடசாலைகளில் மாணவர் வரவு தொடர்பில் வெளியான அதிர்ச்சி தகவல்

University of Peradeniya Sri Lankan Schools

By Jaso Sep 14, 2024 07:39 AM GMT

Jaso

in கல்வி

Report

கடந்த ஆறு வருடங்களில் அரச பாடசாலைகளில் மாணவர்களின் எண்ணிக்கை 332,084 (332,084) ஆக குறைந்துள்ளதாக பேராதனைப் பல்கலைக்கழகத்தின் பொருளாதாரம் மற்றும் புள்ளியியல் துறையின் பேராசிரியர் வசந்த அது கோரள(Wasantha Atu Korala) தெரிவித்தார்.

2018 ஆம் ஆண்டுக்குள் 4,214,772 மாணவர்கள் அரச பாடசாலைகளில் இருந்ததாகவும், ஆனால் கடந்த ஆண்டு (2023) அந்த எண்ணிக்கை 3,882,688 ஆகக் குறைந்துள்ளதாகவும் அவர் குறிப்பிட்டுள்ளார்.

குறைவடைந்த அரச பாடசாலைகளின் எண்ணிக்கை

இதேவேளை, இதே காலப்பகுதியில் அரச பாடசாலைகளின் எண்ணிக்கையும் 79 ஆக குறைந்துள்ளதாகவும் அவர் தெரிவித்தார். கடந்த 2018ஆம் ஆண்டு 10175 அரசுப் பாடசாலைகள் இருந்ததாகவும், 2023ஆம் ஆண்டு அந்த எண்ணிக்கை 10096 ஆகக் குறைந்துள்ளதாகவும் பேராசிரியர் கூறினார்.

பாடசாலைகளில் மாணவர் வரவு தொடர்பில் வெளியான அதிர்ச்சி தகவல் | 300 000 Children Tired Of School 79 Schools Closed

அத்துடன் கடந்த 6 ஆண்டுகளில் பாடசாலைகளில் ஆசிரியர்களின் எண்ணிக்கையும் 9547 ஆக குறைந்துள்ளது என்றார். 2018 ஆம் ஆண்டு 247334 ஆசிரியர்கள் இருந்ததாகவும், ஆனால் 2013 ஆம் ஆண்டில் 237787 ஆகக் குறைந்துள்ளதாகவும் அவர் கூறினார்.

தனியார் பாடசாலைகளின் எண்ணிக்கை அதிகரிப்பு

எனினும், அந்தக் காலப்பகுதியில் தனியார் பாடசாலைகளின் எண்ணிக்கை பதினைந்தால் அதிகரித்துள்ளதாகத் தெரிவித்த வசந்த அத்துகோரள, 2018 ஆம் ஆண்டில் இருந்த 80 தனியார் பாடசாலைகள் கடந்த வருடத்தில் தொண்ணூற்று ஐந்தாக அதிகரித்துள்ளதாகவும் குறிப்பிட்டார்.

இதற்கிடையில், 2018 இல் ஐம்பதுக்கும் குறைவான மாணவர்களை கொண்ட 1480 பாடசாலைகள் இருந்தன. கடந்த வருடம் இந்த எண்ணிக்கை 1506 ஆக அதிகரித்துள்ளதாகவும் 2018 ஆம் ஆண்டில் 51-100 பிள்ளைகளுக்கு இடையில் 1530 பாடசாலைகள் இருந்ததாகவும், ஆனால் கடந்த வருடத்தில் அந்த எண்ணிக்கை 1638 ஆக அதிகரித்துள்ளதாகவும் அத்துகோரள தெரிவித்தார்.

குறைந்த மாணவர் கொண்ட பாடசாலைகள் அதிகரிப்பு

2018 ஆம் ஆண்டில் 20 க்கும் குறைவான மாணவர்களை கொண்ட 5138 பாடசாலைகள் இருந்ததாகவும், கடந்த ஆண்டு அந்த எண்ணிக்கை 5262 ஆக அதிகரித்துள்ளதாகவும் மக்கள் தொகை மற்றும் புள்ளியியல் துறையின் அறிக்கைகள் தெரிவிக்கின்றன.