யாழில் அதிகரிக்கும் விபத்துக்கள் : போதாமலுள்ள வீதி சமிக்ஞைகள் குறித்து அநுரவிடம் முறைப்பாடு
யாழ் மாவட்டத்தில் (Jaffna) அதிகரித்து வரும் வீதி விபத்துக்களைக் குறைப்பதற்கு மேலதிகமான வீதி சமிக்ஞை விளக்குகளை அமைக்க வேண்டும் என யாழ் மாவட்ட பதில் அரசாங்க அதிபர் ஜனாதிபதி அநுரகுமார திசாநாயக்கவிடம் சுட்டிக்காட்டியுள்ளார்.
யாழ்ப்பாணம் மாவட்ட அபிவிருத்தி ஒருங்கிணைப்பு குழு கூட்டமானது தற்போது அநுரகுமார திசாநாயக்க (Anura Kumara Dissanayake) தலைமையில் நடைபெற்று வருகிறது.
இதன்போது கருத்து தெரிவிக்கையிலேயே அரசாங்க அதிபர் இந்த விடயத்தைக் குறிப்பிட்டுள்ளார்.
அரச அதிபரின் வேண்டுகோள்கள்
அங்கு அவர் மேலும் தெரிவிக்கையில், “யாழ் மாவட்டத்தில் உள்ள பிரதேச செயலக பிரிவு வாரியாக சாவகச்சேரியில் 14, நல்லூரில் 07, தெல்லிப்பழையில் 06, யாழ்ப்பாணத்தில் 03, உடுவிலில் 03 என மொத்தமாக 33 பாதுகாப்பற்ற தொடருந்து கடவைகள் காணப்படுகின்றன. இந்த தொடருந்து கடவைகளை பாதுகாப்பானதாக அமைக்க வேண்டும்.
யாழில் நேர அட்டவணைக்கு ஏற்ப 38 புதிய பேருந்துகள் தேவையாக உள்ளன. அந்தவகையில் யாழ்ப்பாணம் சாலைக்கு 23 பேருந்துகளும், பருத்தித்துறை சாலைக்கு 10 பேருந்துகளும், காரைநகர் சாலைக்கு 05 பேருந்துகளும் தேவையாக உள்ளன.
யாழ்ப்பாணத்தில் தற்போது வீதி விபத்துகள் அதிகரித்து காணப்படுகின்றன. யாழில் 06 வீதி சமிக்ஞை விளக்குகளே காணப்படுகின்றன. எனவே வீதி விபத்துக்களை குறைக்க வீதி சமிக்ஞைகளை அமைக்க வேண்டும் என சுட்டிக்காட்டியுள்ளார்.
செய்திகள் - பு.கஜிந்தன்
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
யாழ். அத்தியடி, யாழ்ப்பாணம், London, United Kingdom, மெல்போன், Australia
29 Jul, 2026
Conflans-Sainte-Honorine, France, London, United Kingdom, Nanterre, France
01 Jul, 2026
வேலணை 1ம் வட்டாரம், மண்கும்பான் மேற்கு, Liestal, Switzerland
10 Aug, 2025
