நாடளாவிய ரீதியில் விசேட சுற்றிவளைப்பு : பொது பாதுகாப்பு அமைச்சு வெளியிட்டுள்ள தகவல்
நாடளாவிய ரீதியில் போதைப்பொருள் வர்த்தகத்தில் ஈடுபடும் 4665 பேரில் 06 நாட்களில் மாத்திரம் 3640 பேர் கைது செய்யப்பட்டுள்ளதாக பொதுமக்கள் பாதுகாப்பு அமைச்சு குறிப்பிட்டுள்ளது.
இவ்விடயம் தொடர்பாக மேலும் பொதுபாதுகாப்பு அமைச்சு அறியத்தருகையில்,
“போதைப்பொருள் பாவனை மற்றும் குற்றச்செயல்கள்,சமூக விரோத செயற்பாடுகளில் ஈடுபடுபவர்களை இலக்காகக் கொண்டு முன்னெடுக்கப்படும் விசேட சுற்றிவளைப்புகளுக்கமைய 2023.12.22. முதல் 2023.12.23 அதிகாலை வரையான காலப்பகுதியில் மாத்திரம் 1967 பேர் சந்தேகத்தின் அடிப்படையில் கைது செய்யப்பட்டுள்ளனர்.
விசேட சுற்றிவளைப்புகள்
இதற்கமைய (2023.12.22 முதல் 2023.12.23.அதிகாலை) நாடளாவிய ரீதியில் முன்னெடுக்கப்பட்ட விசேட சுற்றிவளைப்புகளுக்கமைய 692 கிராம் ஹெரோயின்,393 கிராம் ஐஸ் , 42 கிலோகிராம், 100 கிராம் கஞ்சா, 235,680 கஞ்சா செடிகள், 438 கிராம் ஹசீஸ்,11 கிலோ கிராம் மாவா,534 கிராம் உஸ்,32 கிராம் தூள், 01 கிலோகிராம்,200 கிராம் போதை குழிசைகள் மற்றும் 20,615 போதைப்பொருள் குழிசைகள் இவ்வாறு கைப்பற்றப்பட்டுள்ளன.
சந்தேகத்தின் அடிப்படையில் கைது செய்யப்பட்ட 1676 பேரில் 119 சந்தேக நபர்கள் தடுப்பு காவலில் வைக்கப்பட்டு விசாரிக்கப்படுகிறார்கள்.
அத்துடன், 45 சந்தேக நபர்களின் சொத்துக்கள் தொடர்பில் விசாரணைகள் முன்னெடுக்கப்பட்டுள்ளன.
மேலும், போதைப்பொருள் பாவனைக்கு அடிமையாகியுள்ள 112 பேர் புனர்வாழ்வு மத்திய நிலையங்களுக்கு அனுப்பி வைக்கப்பட்டுள்ளனர்.
அத்துடன், காவல்துறை போதைப்பொருள் தடுப்பு மற்றும் விசேட அதிரடி படையினரின் பெயர் பட்டியலில் இருந்த 132 சந்தேக நபர்கள் கைது செய்யப்பட்டுள்ளனர்.
போதைப்பொருள் வர்த்தகம்
போதைப்பொருள் ஒழிப்பு பிரிவு மற்றும் விசேட அதிரடி படையினர் நாடளாவிய ரீதியில் போதைப்பொருள் வர்த்தகத்தில் ஈடுபடும் 4665 பேரை அடையாளப்படுத்தியுள்ளனர்.
மேல்மாகாணத்தில் 1625 பேர்,தென்மாகாணம் 509 பேர்,மத்திய மாகாணம் 346 பேர்,வடக்கு மாகாணம் 312பேர்,சப்ரகமுவ மாகாணம் 414 பேர்,ஊவா மாகாணம் 331 பேர், வட மத்திய மாகாணம் 381 பேர், வடமேல் மாகாணம் 394 பேர்,கிழக்கு மாகாணம் 353 பேர் என்ற அடிப்படையில் போதைப்பொருள் வர்த்தகர்கள் நாடளாவிய ரீதியில் உள்ளார்கள்.
கடந்த 17 ஆம் திகதி முதல் வெள்ளிக்கிழமை (22) வரை முன்னெடுக்கப்பட்ட விசேட சுற்றிவளைப்புகளில் 3640 போதைப்பொருள் வர்த்தகர்கள் கைது செய்யப்பட்டுள்ளனர்.” என குறிப்பிடப்பட்டுள்ளது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள் |
உசன், Jaffna, Ibadan, Nigeria, Riyadh, Saudi Arabia, London, United Kingdom
05 Sep, 2026
புங்குடுதீவு 6ம் வட்டாரம், புங்குடுதீவு, கிளிநொச்சி, கொழும்பு, Crawley, United Kingdom
15 Aug, 2026
மல்லாகம், யாழ்ப்பாணம், கொழும்புத்துறை, சுண்டுக்குழி, Brampton, Canada
12 Sep, 2026
நெடுந்தீவு மேற்கு, யோகபுரம், Paris, France, Tergnier, France, Chelmsford, United Kingdom
16 Aug, 2026
சரசாலை வடக்கு, சுவிஸ், Switzerland, England, United Kingdom
14 Sep, 2020
நயினாதீவு 3ம் வட்டாரம், பருத்தித்துறை, அல்வாய் வடக்கு, சூரிச், Switzerland
10 Sep, 2021
