கனடிய இராணுவம் சந்தித்த மிக மோசமான துயரம்: மார்க் கார்னி வெளியிட்ட தகவல்

Canada World Mark Carney

By Shalini Balachandran Oct 18, 2026 07:14 PM GMT

Shalini Balachandran

in உலகம்

Report

கனடாவில் இராணுவ தளத்தில் ஏற்பட்ட வெடி விபத்து சம்பவமானது கனடிய இராணுவம் எதிர்கொண்ட மிக மோசமான துயரச் சம்பவங்களில் இது ஒன்று என சுட்டிக்காட்டப்பட்டுள்ளது.

கனடியப் பிரதமர் மார்க் கார்னி (Mark Carney) இதனை தெரிவித்துள்ளார்.

அல்பெர்ட்டா (Alberta) மாகாணத்தில் அமைந்துள்ள முன்னணி இராணுவப் பயிற்சித் தளமான வெய்ன்ரைட் படைத்தளத்தில் (Canadian Forces Base Wainwright) கடுமையான தீ விபத்து சம்பவம் ஒன்று பதிவாகி இருந்தது.

இராணுவ வீரர்கள்

இதில் நான்கு இராணுவ வீரர்கள் பரிதாபமாக உயிரிழந்துள்ளதுடன் பல டசன்கணக்கானோர் படுகாயமடைந்துள்ளதாக தெரிவிக்கப்பட்டுள்ளது.

கனடிய இராணுவம் சந்தித்த மிக மோசமான துயரம்: மார்க் கார்னி வெளியிட்ட தகவல் | 4 Dead Dozens Hurt In Canada Base Fire

இந்தநிலையில் சமகால அமைதிக்காலத்தில் கனடா இராணுவம் எதிர்கொண்ட மிக மோசமான துயரச் சம்பவங்களில் இது ஒன்று என அதிர்ச்சி வெளியிட்டுள்ள மார்க் கார்னி, உயிரிழந்த வீரர்களின் குடும்பங்களுக்குத் தனது ஆழ்ந்த அனுதாபங்களை அவர் தெரிவித்துள்ளார்.

காயம் அடைந்தவர்களின் எண்ணிக்கை அதிகமாக இருந்ததால் எட்மண்டனில் (Edmonton) உள்ள ராயல் அலெக்ஸாந்திரா வைத்தியசாலை Code Orange எனப்படும் பேரழிவு அவசரகால சிகிச்சை நெறிமுறையை அறிவித்து மீட்புப் பணிகள் முன்னெடுக்கப்பட்டுள்ளன.

தீயணைப்புப் படைப்பு

தற்போது தீயணைப்புப் படையினரால் தீ முழுமையாகக் கட்டுப்பாட்டிற்குள் கொண்டுவரப்பட்டுள்ள போதிலும் மீண்டும் தீ பரவாமல் தடுப்பதற்காக மீட்புக் குழுவினர் தொடர்ந்து கண்காணிப்பில் ஈடுபட்டு வருகின்றனர்.

இச்சம்பவம் குறித்துத் தீவிர விசாரணைகள் முன்னெடுக்கப்பட்டு வரும் நிலையில் இத்தீ விபத்து எந்தவொரு பயங்கரவாத நடவடிக்கையின் விளைவாகவும் ஏற்படவில்லை என கனடிய பாதுகாப்பு அமைச்சகத்தின் ஊடகப் பேச்சாளர் உறுதிப்படுத்தியுள்ளார்.

வெடிப்பு மற்றும் தீ விபத்துக்கான பின்னணி குறித்து மேலதிக உத்தியோகபூர்வ விளக்கங்கள் விரைவில் வெளியிடப்படும் எனப் பிரதமர் தெரிவித்துள்ளமை குறிப்பிடத்தக்கது.