இலங்கைக்கு வந்து குவிந்த 4 இலட்சம் சுற்றுலாப் பயணிகள்

Sri Lanka Tourism Tourism Economy of Sri Lanka

By Sathangani Feb 14, 2026 07:30 AM GMT

Sathangani

in சமூகம்

Report

2026 ஆம் ஆண்டின் இதுவரையான காலப்பகுதியில் இலங்கைக்கு வருகை தந்த வெளிநாட்டு சுற்றுலாப் பயணிகளின் எண்ணிக்கை நான்கு இலட்சத்திற்கும் அதிகமான இலங்கை சுற்றுலா அபிவிருத்தி அதிகார சபை (SLTDA) தெரிவித்துள்ளது.

அதன்படி, ஜனவரி முதலாம் திகதி முதல் பெப்ரவரி 12 ஆம் திகதி வரையான காலப்பகுதியில் மாத்திரம் 401,787 வெளிநாட்டு சுற்றுலாப் பயணிகள் நாட்டிற்கு வருகை தந்துள்ளனர்.

குறித்த காலப்பகுதியில் ஒரே நாளில் பதிவான அதிகூடிய சுற்றுலாப் பயணிகளின் வருகை பெப்ரவரி 12 ஆம் திகதி பதிவாகியுள்ள நிலையில் அன்றைய தினம் மாத்திரம் 12,731 சுற்றுலாப் பயணிகள் இலங்கைக்கு வருகை தந்துள்ளனர்.

இந்தியப் பிரஜைகள்

வருகை தந்த சுற்றுலாப் பயணிகளில் முதலிடத்தில் இந்தியப் பிரஜைகள் இருக்கின்றனர். அவர்களின் எண்ணிக்கை 70,880 எனப் பதிவாகியுள்ளது.

இலங்கைக்கு வந்து குவிந்த 4 இலட்சம் சுற்றுலாப் பயணிகள் | 400 000 Tourists Visit Sri Lanka So Far In 2026

இதற்கு மேலதிகமாக பிரித்தானிய பிரஜைகள் 44,053 பேரும், ரஷ்ய பிரஜைகள் 36,949 பேரும், ஜேர்மனிய பிரஜைகள் 28,332 பேரும், சீன பிரஜைகள் 22,309 பேரும் நாட்டுக்கு வருகை தந்துள்ளனர்.

அத்துடன் பிரான்ஸ், அவுஸ்திரேலியா மற்றும் நெதர்லாந்து ஆகிய நாடுகளிலிருந்தும் கணிசமான அளவு சுற்றுலாப் பயணிகள் வருகை தந்துள்ளனர்.

மேலும், பெப்ரவரி மாதத்தின் முதல் 12 நாட்களில் மாத்திரம் 124,460 வெளிநாட்டு சுற்றுலாப் பயணிகள் நாட்டிற்கு வருகை தந்துள்ளதாக இலங்கை சுற்றுலா அபிவிருத்தி அதிகார சபை மேலும் தெரிவித்துள்ளமை குறிப்பிடத்தக்கது.