நாட்டில் வந்து குவியும் சுற்றுலா பயணிகள்

Sri Lanka Tourism Sri Lanka India Russia

By Sathangani Mar 19, 2024 10:56 AM GMT

Sathangani

in சுற்றுலா

Report

இந்த வருடத்தின் இதுவரையான காலப்பகுதியில் 537,887 சுற்றுலாப் பயணிகள் இலங்கைக்கு வருகை தந்துள்ளதாக இலங்கை சுற்றுலா அபிவிருத்தி அதிகார சபை தெரிவித்துள்ளது.

இந்நிலையில், இம்மாதம் 1 ஆம் திகதியிலிருந்து 17ஆம் திகதி வரையிலான காலப்பகுதியில் 111,284 சுற்றுலாப் பயணிகள் இலங்கைக்கு வருகை தந்துள்ளதாக சுற்றுலா அபிவிருத்தி அதிகார சபை வெளியிட்டுள்ள அறிக்கையில் குறிப்பிடப்பட்டுள்ளது.

இதன்படி, இந்தியாவிலிருந்து 16,830 சுற்றுலாப் பயணிகளும், ரஷ்யாவிலிருந்து 16,548 சுற்றுலாப் பயணிகளும் இலங்கைக்கு வருகை தந்துள்ளனர்.

அதிகமான சுற்றுலாப் பயணிகள்

மேலும், ஜேர்மனியிலிருந்து 10,546 சுற்றுலாப் பயணிகளும், ஐக்கிய இராச்சியத்திலிருந்து 8,926 சுற்றுலாப் பயணிகளும், பிரான்ஸிலிருந்து 7,018 சுற்றுலாப் பயணிகளும், சீனாவிலிருந்து 6,892 சுற்றுலாப் பயணிகளும் இலங்கைக்கு வருகை தந்துள்ளதாக இலங்கை சுற்றுலா அபிவிருத்தி அதிகார சபை மேலும் தெரிவித்துள்ளது.

நாட்டில் வந்து குவியும் சுற்றுலா பயணிகள் | 537887 Tourists Visited Sri Lanka So Far This Year

இதேவேளை 2024 ஆம் ஆண்டின் இதுவரையான காலப்பகுதியில் இந்தியாவிலிருந்தே அதிகமான சுற்றுலாப் பயணிகள் இலங்கைக்கு வருகை தந்துள்ளனர்.

அதன்படி இந்தியாவிலிருந்து 81,256 சுற்றுலாப் பயணிகளும் இரண்டாவது இடத்திலுள்ள ரஷ்யாவிலிருந்து 79,737 சுற்றுலாப் பயணிகளும் நாட்டிற்கு வருகை தந்துள்ளமை குறிப்பிடத்தக்கது.