சுகாதாரத்துறையில் வருடாந்தம் பதிவாகும் 600 முறைப்பாடுகள்

Dr Ramesh Pathirana Sri Lanka Ministry of Health Sri Lanka National Health Service

By Sathangani Jan 01, 2024 02:33 AM GMT

Sathangani

in சமூகம்

Report

நாட்டில் சுகாதாரத்துறையில் வருடாந்தம் சுமார் 600 முறைப்பாடுகள் பதிவு செய்யப்படுவதாக சுகாதார அமைச்சர் ரமேஷ்பத்திரன தெரிவித்தார்.

இந்த முறைப்பாடுகளில் மருத்துவர்கள் உட்பட சுகாதார ஊழியர்கள் சம்பந்தப்பட்டுள்ளதாகவும் அவர் மேலும் குறிப்பிட்டார்.

பேராதனை போதனா மருத்துவமனையில் அண்மையில் நடைபெற்ற நிகழ்வு ஒன்றிலேயே அவர் இதனைத் தெரிவித்தார்.

மருத்துவ அலட்சியம்

சுகாதாரத்துறையில் மருத்துவ அலட்சியம் தொடர்பான முறைப்பாடுகள், தொடர்ந்து வந்து கொண்டிருப்பது குறித்து சுகாதார அமைச்சர் இதன்போது கவலை வெளியிட்டார்.

சுகாதாரத்துறையில் வருடாந்தம் பதிவாகும் 600 முறைப்பாடுகள் | 600 Complaints Are Registered In The Health Sector

இது நோயாளிகளின் நலனில், சுகாதாரத்துறையின் அர்ப்பணிப்பு பற்றிய கேள்விகளை எழுப்புகிறது என்றும் அமைச்சர் குறிப்பிட்டார்.

சுகாதார பணியாளர்களை வலியுறுத்தல்

எவ்வாறாயினும், நோயாளிகளின் முறைப்பாடுகளின் முழுமையான பகுப்பாய்வில் பல தவறுகள் கண்டறியப்பட்டதாகவும் அமைச்சர் பத்திரன சுட்டிக்காட்டினார்.

எனவே, சவால்களை எதிர்கொண்டுள்ள நிலையில், மக்களுக்கான சேவையை முன்னுரிமைப்படுத்துமாறும், நோயாளிகளின் நல்வாழ்வை உறுதிசெய்வதில், அர்ப்பணிப்பை மறுபரிசீலனை செய்யுமாறும் அமைச்சர் பத்திரன சுகாதார பணியாளர்களை வலியுறுத்தியுள்ளமை குறிப்பிடத்தக்கது.