எனக்கு பாடம் கற்பிக்க தேவையில்லை! சபையில் கொந்தளித்த சஜித்

மகளிர் மற்றும் சிறுவர் விவகார அமைச்சராக சரோஜா சாவித்திரி போல்ராஜ் இன்று முன்வைத்த கருத்துக்கள் தொடர்பில் எதிர்க்கட்சி தலைவர் சஜித் பிரேமதாச கேள்வி எழுப்பியபோது நாடாளுமன்றில் பெரும் குழப்பநிலை ஏற்பட்டுள்ளது.

நிலையியற் கட்டளைகள் சட்டத்தின் பிரகாரம் கேள்வி எழுப்பப்பட்ட நிலையிலேயே கடும் வாக்குவாதம் இடம்பெற்றது.

முன்னதாக மகளீர் விவகார அமைச்சர் முன்வைத்த கருத்துக்கள் தொடர்பில் எதிர்க்கட்சி தலைவர் சஜித் பிரேமதாச கேள்வி எழுப்பியிருந்தார்.

சர்ச்சைக்குரிய ரில்வின் சில்வாவின் இந்திய விஜயம் : அரச தரப்பின் அறிவிப்பு

சஜித் பிரேமதாச 

குறித்த கேள்விக்கான காலத்தை எதிர்கட்சி தலைவர் அதிகரித்தமையினாலேயே இவ்வாறு குழப்ப நிலை ஏற்பட்டுள்ளது.

இதன் காரணமாக சஜித் பிரேமதாச தனது கருத்துக்களை தெரிவிதுக்கொண்டிருந்த போது இடையில் எழுந்து கருத்து தெரிவித்த சபை முதல்வர் பிமல் ரத்நாயக்க,

“இங்கு நிலையியல் கட்டளை குறித்து தெளிவுபடுத்தலை பெற்றுக்கொள்ள கேள்வி எழுப்ப எதிர்கட்சி தலைவர் முன்வந்தார். ஆனால் இது விவாதமாக மாறிக்கொண்டிருக்கிறது.

நிலையியற் கட்டளைகளை பெற்று அதனை விவதாமக எதிர்கட்சி தலைவர் பேசிக்கொண்டிருக்கிறார். 

எதிர்க்கட்சி தலைவரே நிலையியற் கட்டளைகள் என்றால் என்ன? அதன் பிரகாரம் நடந்துக்கொள்ள முயற்சியுங்கள். இதை கற்றுக்கொள்ளுங்கள்.

22/7 இன் கீழ்(சட்டத்தின் பிரகாரம்) எதிர்க்கட்சி தலைவருக்கு இவ்வாறு செயற்பட எந்த அதிகாரமும் இல்லை.” என்றார்.

இந்திய அமைச்சர்கள் மற்றும் உயர்மட்டத் தலைவர்களை சந்திக்கவுள்ள ஜனாதிபதி அநுர

நிலையியற் கட்டளை

இதன்போது கருத்து தெரிவித்த சஜித், “சபாநாயகரே வாய்மூல கேள்விகளை கேட்கும்போது மற்றைய தரப்புக்கு அதிக நேரம் வழங்கப்படுகிறது. இதில் அவர்களுக்கு ஒரு விதமாகவும் எதிர்கட்சி தலைவர் கேள்வி கேட்கும்போது வேறு விதமாகவும் பார்க்க முடியாது” என்றார்.

இதன்போது சபாநாயகர், எதிர்கட்சி தலைவரே உங்கள் கேள்விகளை சுருக்கமாக முன்வையுங்கள். இதற்காக நான்கு நிமிடங்களை எடுத்துக்கொண்டீர்கள்” என்றார்.

இதன்போது பதில் வழங்கிய சஜித், “இலங்கையில் 52 வீதமானவர்கள் பெண்களே. அவர்கள் தொடர்பில் கேள்வி எழுப்பும்போது ஏன் பிமல் தடை விதிக்கின்றார்.

எனக்கு வகுப்பெடுக்க தேவையில்லை. நிலையியற் கட்டளையை எவ்வாறு கையாள வேண்டும் என்பதை கற்றுக்கொள்ள. நீங்களும் வகுப்பெடுக்க தேவையில்லை” என்றார் .

இதன்போது குறுக்கிட்ட சயாநாயகர், உங்களுடைய தீர்மானங்கள் தேற்றுபோகின்ற போது எம்மிடம் வர வேண்டாம். 2 நிமிட கேள்விக்கு 6 நிமிடங்களை எடுத்துள்ளீர்கள்” என சுட்டிக்காட்டினார்.