மண்டூர் முருகன் ஆலய மகோற்சவத்தை முன்னிட்டு பெரும் திரளான பக்தர்கள் பாத யாத்திரை (படங்கள்)
"சின்னக் கதிர்காமம்" என அழைக்கப்படும் வரலாற்று பிரசித்தி பெற்ற மண்டூர் முருகன் ஆலயத்தின் வருடாந்த மகோற்சவத்தை முன்னிட்டு இன்று (26.08.2023) காரைதீவிலிருந்து மண்டூர் நோக்கி பெருந்திரளான பக்தர்கள் பாத யாத்திரையினை மேற்கொண்டிருந்தனர்.
இதன்போது கல்முனை அறுபடை அன்னதான குழுவினரினால் கல்முனை முருகன் தேவஸ்தானத்தில் வைத்து பக்தர்களுக்கு காலை உணவு மற்றும் மென்பானம் என்பன வழங்கி வைக்கப்பட்டிருந்தன.
காரைதீவு கன்னகை அம்மன் ஆலயத்தின் முன்றலிலிருந்து ஆரம்பமான இப்பாத யாத்திரையின் போது பக்தர்கள் பக்தி பூர்வமாக யாத்திரை மேற்கொண்டனர்.
காரைதீவு , மாளிகைக்காடு , சாய்ந்தமருது , கல்முனைக்குடி ,கல்முனை , நற்பிட்டிமுனை, சேனைக்குடியிருப்பு, அன்னமலை மற்றும் தம்பலவத்தை ஊடாக மண்டூர் வரையிலான சுமார் 22 கிலோமீட்டர் தூரம் இவர்கள் பாத யாத்திரையின் மேற்கொண்டிருந்தமை குறிப்பிடத்தக்கது.
மல்லாகம், யாழ்ப்பாணம், கொழும்புத்துறை, சுண்டுக்குழி, Brampton, Canada
12 Sep, 2026
