2025 இல் நாட்டில் அறிமுகப்படுத்தப்படவுள்ள புதிய வரி

Ranjith Siyambalapitiya Sri Lanka Sri Lankan Peoples Economy of Sri Lanka

By Sathangani Apr 28, 2024 09:50 AM GMT

Sathangani

in பொருளாதாரம்

Report

இலங்கையில் நடைமுறையில் இருந்த 20 வீதமான நேரடி வரிகளையும் 80 வீதமான மறைமுக வரிகளையும் இன்று நேரடி வரியை 30 வீதமாகவும் மறைமுக வரியை 70 வீதமாகவும் மாற்றியிருக்கின்றோம் என நிதி இராஜாங்க அமைச்சர் ரஞ்சித் சியம்பலாபிட்டிய (Ranjith Siyambalapitiya) தெரிவித்துள்ளார்.

இதேவேளை நேரடி வரி அதிகரிப்பினால் மூளைசாலிகள் வெளியேறுவதாக குற்றஞ்சாட்டப்படுவதாகவும் அவர் மேலும் குறிப்பிட்டார்.

பத்திரிகை ஒன்றுக்கு வழங்கிய நேர்காணலின் போதே அவர் மேற்கண்டவாறு தெரிவித்திருந்தார்.

மூளைசாலிகளின் வெளியேற்றம்

இங்கு தொடர்ந்தும் அவர் தெரிவிக்கையில், “நாங்கள் மக்களுக்கு சுமை ஏற்படாத வகையில் வருமானத்தை அதிகரிக்கும் ஏனைய மூலங்கள் தொடர்பாக கவனம் செலுத்துகின்றோம்.

2025 இல் நாட்டில் அறிமுகப்படுத்தப்படவுள்ள புதிய வரி | A New Tax To Be Introduced In 2025 In Sri Lanka

இதுவரை இலங்கையில் 20 வீதம் நேரடி வரிகளும் 80 வீதம் மறைமுக வரிகளும் நடைமுறையில் இருந்தன. இன்று நேரடி வரியை 30 வீதமாகவும் மறைமுக வரியை 70 வீதமாகவும் மாற்றியிருக்கிறோம்.

எதிர்காலத்தில் நேரடி வரி 40 வீதமாகவும் மறைமுக வரி 60 வீதமாகவும் மாற வேண்டும். நேரடி வரியை அதிகரிக்கும் போது மூளைசாலிகளின் வெளியேற்றம் இடம்பெறுவதாக குற்றம் சுமத்தப்படுகின்றது. அப்படி ஒரு சிக்கலும் உண்டு.

சொத்து வரி

அதனால்தான் நாங்கள் 2025ஆம் ஆண்டில் சொத்து வரியை அறிமுகப்படுத்துவதற்கு தீர்மானித்திருக்கின்றோம். இலங்கையில் மறைக்கப்பட்ட பல சொத்துக்கள் காணப்படுகின்றன.

2025 இல் நாட்டில் அறிமுகப்படுத்தப்படவுள்ள புதிய வரி | A New Tax To Be Introduced In 2025 In Sri Lanka

எனவே சொத்து வரியை நடைமுறைப்படுத்துவதன் ஊடாக அவற்றை செயற்றிறனாக்க முடியும். உலகின் பல நாடுகளில் சொத்து வரி உள்ளது. சொத்து வரி என்பதும் மக்கள் பயப்படுவார்கள். மக்களுக்கு சுமை ஏற்படும் வகையில் நாம் அதனைச் செய்யமாட்டோம்“ எனத் தெரிவித்தார்.