நிகழ்வுகளுக்கு கட்டுப்பாடு : பாடசாலைகளுக்கு விசேட சுற்றறிக்கை

Central Province Sri Lankan Schools

By Jaso Jan 21, 2024 09:56 AM GMT

Jaso

in கல்வி

Report

மத்திய மாகாணத்தில் உள்ள அனைத்து பாடசாலைகளும் ஏழு நிகழ்வுகளுக்கு மாத்திரம் மட்டுப்படுத்தப்படும் என மத்திய மாகாண கல்விப் பணிப்பாளர் மேனகா ஹேரத் விசேட சுற்றறிக்கை ஒன்றை பாடசாலைகளுக்கு அனுப்பி வைத்துள்ளார்.

சில பாடசாலைகள் பல்வேறு நிகழ்வுகளை ஏற்பாடு செய்து பெற்றோரிடம் பணம் வசூலிப்பதாக எழுந்த முறைப்பாடுகளை கருத்திற் கொண்டு மத்திய மாகாண சபைக்குட்பட்ட பாடசாலைகள் மற்றும் தேசிய பாடசாலைகளுக்கு இந்த சுற்றறிக்கை வெளியிடப்பட்டுள்ளது.

வருடம் முழுவதுமாக ஏழு நிகழ்வுகள்

அந்த சுற்றறிக்கையின் பிரகாரம் முதலாம் தவணையில் மூன்று விழாக்களும் இரண்டாம் தவணையில் நான்கு விழாக்களும் நடத்த அனுமதி வழங்கப்பட்டுள்ளதுடன், கூடுதலாக ஏதேனும் விழா நடத்தினால் மாகாண கல்விப் பணிப்பாளரிடம் அனுமதி பெற வேண்டும்.

நிகழ்வுகளுக்கு கட்டுப்பாடு : பாடசாலைகளுக்கு விசேட சுற்றறிக்கை | A Special Circular For Schools Central Province

முதலாம் தவணையில் மாணவர் சேர்க்கை விழா, சுதந்திர தின விழா, இல்லங்களுக்கு இடையேயான தடகள விழாவும், இரண்டாம் மற்றும் மூன்றாம் பருவத்தில் கல்விச் சுற்றுலா, கலை விழா, வண்ண விழா, ஆண்டு பரிசளிப்பு விழா நடத்தவும் அனுமதி வழங்கப்படும்.

பெற்றோரிடம் வரம்பில்லாமல் பணம் வசூலிப்பு

இசை நிகழ்ச்சிகள், ஆசிரியர்களுக்கு பாராட்டு விழா உள்ளிட்ட பல்வேறு கொண்டாட்டங்களை நடத்தி அதிபர்கள் உள்ளிட்ட பல்வேறு குழுக்கள் பெற்றோரிடம் வரம்பில்லாமல் பணம் வசூலிப்பதாக எழுந்த புகாரின் பேரில் சுற்றறிக்கை வெளியிடப்பட்டுள்ளது.