இஸ்ரேலுக்கு செல்லும் விவசாயிகளுக்காக இணையத்தளம்: அமைச்சர் வெளியிட்ட அறிவிப்பு
இஸ்ரேலுக்கு (Israel) செல்லும் பணிப்பெண்கள் மற்றும் விவசாயத்துறை சார்ந்தவர்கள் தொடர்பிலும் விசேட கவனம் செலுத்தப்படவுள்ளதாக தொழில் மற்றும் வெளிநாட்டு வேலைவாய்ப்புகள் அமைச்சர் மனுஷ நாணயக்கார (Manusha Nanayakkara) தெரிவித்துள்ளார்.
இன்றைய (09) நாடாளுமன்ற அமர்வில் கலந்துகொண்டு உரையாற்றும் போதே அவர் இதனைக் குறிப்பிட்டார். இது தொடர்பில் அவர் மேலும் தெரிவிக்கையில்,
''2022 ஆம் ஆண்டு 2000 இற்கும் அதிகமானோர் இஸ்ரேலுக்கு பணிப்பெண்களாக அனுப்பப்பட்டுள்ளார்கள். அவர்கள் தேசிய தொழிற் தகைமை சான்றிதழை (NVQ) பெற்றவர்களாக சென்றதன் பின்னர் அவர்கள் ஆதுலர் சேவைகள் வைத்தியசாலைகளிலே இணைக்கப்பட்டுள்ளார்கள்.
இஸ்ரேல் அரசாங்கம்
சான்றிதழ்களை பெற்றதன் பின்னர் அவர்களினுடைய பட்டியல் இணையத்தளங்களில் வெளியிடப்பட்டது. அது தொடர்பாக இஸ்ரேல் அரசாங்கத்தில் அவர்கள் கோரியதன் அடிப்படையில் இணைக்கப்பட்டுள்ளார்கள்.
அது தொடர்பில் புதியவர்களினை உள்ளடக்குவதற்கும், பெண்களை உள்ளடக்குவதற்கும், 40 வயதுக்கு உட்பட்டோரை உள்வாங்கும் சந்தர்ப்பம் உள்ளது. மேலும் இஸ்ரேல் செல்லும் விவசாயத்துறை சார்ந்தவர்களுக்கு இணையத்தளம் ஒன்று திறக்கப்பட்டு அவர்களினுடைய தகவல் பெற எதிர்பார்க்கப்படுகிறது.
விவசாயத்துறைக்காக சென்றவர்கள்
வெளிநாட்டு வேலைவாய்ப்பு பணியகத்திலே பிரதேச காரியாலயங்களினூடாக தகவல்களை பெற்றுக்கொண்டு அதனை இஸ்ரேலுக்கு அனுப்பி அதனூடாக தெரிவுகளை மேற்கொண்டு 1200 பேர், 5000 பேர், 4000 பேர் என்ற அடிப்படையில் லொத்தர் மூலமாக அல்லது கூப்பன் தெரிவு மூலமாக அவர்கள் தெரிவு செய்யப்பட இருக்கிறார்கள்.
பொருத்தமானவர்கள் தவிர்ந்த 1200 பேரினை ஏற்கனவே நாங்கள் அனுப்பியிருக்கின்றோம். 200 இற்கும் அதிகமானோர் விவசாயத்துறைக்காக சென்றிருக்கிறார்கள். மிகுதியாக உள்ளவர்கள் அபிவிருத்தி பயிற்சி நடவடிக்கையில் ஈடுபட்டிருக்கிறார்கள்.
மூன்றாவது குழுவினர் தொடர்பாக குறுஞ்செய்தி தகவல் அனுப்பியிருக்கின்றோம். அவர்களினுடைய வைத்திய சோதனைக்காக எதிர்பார்த்துள்ளோம்“ என தெரிவித்துள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்.... |
அல்லைப்பிட்டி, பிரான்ஸ், France
12 Nov, 2011
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
Seremban, Malaysia, நெல்லியடி, மண்டபம், India, Harrow, United Kingdom
30 Oct, 2021
