மூடநம்பிக்கையின் உச்சத்தால் தாயென பாராது மகள் செய்த கொடூரம்! அமெரிக்காவில் சம்பவம்
அமெரிக்காவில் மூடநம்பிக்கைக்காக பெண்ணொருவர் பெற்ற தாயை கொன்று அவரது உடலை துண்டு துண்டாக வெட்டியுள்ள சம்பவம் பெரும் அதிர்ச்சியை ஏற்படுத்தியுள்ளதாக அந்நாட்டு ஊடகங்கள் செய்தி வெளியிட்டுள்ளன.
அமெரிக்காவிலுள்ள கென்டக்கி(Kentucky) மாகாணத்தைச் சேர்ந்த 32 வயதுடைய டோரிலினா ஃபீல்ட்ஸ்(Torilena Fields) என்னும் பெண்ணே இவ்வாறு தனது தாயைக் கொன்று அவரது உடலை துண்டு துண்டாக வெட்டியுள்ளார்.
கொலைச் சம்பவம்
குறித்த பெண் மாயமந்திரம், சூனியம் போன்ற மூடநம்பிக்கைகளில் ஆர்வம் காட்டி வந்த நிலையில் அவரது தாயாகிய ட்ரூடி ஃபீல்ட்ஸ்(Trudy Fields) அவரைக் கண்டித்துள்ளார்.
இந்நிலையில், சந்தேக நபர் தனது தாயை கொன்று அவரது உடலை துண்டு துண்டாக வெட்டியிருக்கலாம் என குறிப்பிடப்படுகின்றது.
இதேவேளை, சமீபத்தில் ட்ரூடி ஃபீல்ட்ஸை சந்தித்த ஒருவரிடம் தனது மகள் செய்யும் விடயங்கள் குறித்து அவர் கூறியிருந்த நிலையில், ட்ரூடி ஃபீல்ட்ஸ் கண்டித்தமையினாலேயே அவர் கொல்லப்பட்டிருக்கலாம் என கருதப்படுகிறது.
கைது நடவடிக்கை
சம்பவத்தினத்தன்று காவல்துறையினருக்கு வழங்கிய தகவலின் அடிப்படையில் சந்தேகநபரின் வீட்டுக்கு காவல்துறையினர் விரைந்த போது சந்தேகநபர் வீட்டுக்குள் பதுங்கியுள்ளார்.
இதையடுத்து, கண்ணீர் புகை குண்டுகளை வீட்டுக்குள் வீசி சந்தேகநபரை வெளியே வரவைத்த காவல்துறையினர், உடல் முழுவதும் இரத்தத்துடன் காணப்பட்ட டோரிலினா ஃபீல்ட்ஸை கைது செய்துள்ளனர்.
மேலும், நடந்த கொடூர சம்பவம் தொடர்பில் அவரிடம் தீவிர விசாரணைகளை காவல்துறையினர் மேற்கொண்டுவருகிறனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
சாவகச்சேரி, குஞ்சுப்பரந்தன், கிளிநொச்சி, Scarborough, Canada
14 May, 2021
இடைக்காடு, Muscat, Oman, நியூ யோர்க், United States, Boston, United States
14 May, 2025
மட்டுவில் வடக்கு, மல்லாவி, London, United Kingdom, முல்லைத்தீவு
11 May, 2026
புங்குடுதீவு 12ம் வட்டாரம், புங்குடுதீவு, கொழும்பு, London, United Kingdom
24 Apr, 2025
கொடிகாமம், வெள்ளாம்போக்கட்டி, புளியம்பொக்கணை, வவுனியா, கொழும்பு
11 May, 2026
துன்னாலை, ஆத்தியடி பருத்தித்துறை, திருகோணமலை, கோண்டாவில், வெள்ளவத்தை, New Jersey, United States, Toronto, Canada
14 May, 2023
