சிறிலங்கா கிரிக்கெட் மீதான தடையை நீக்க தீவிர நடவடிக்கை

Ranil Wickremesinghe Sri Lanka Cricket Government Of Sri Lanka Prasanna Ranatunga

By Vanan Nov 11, 2023 05:48 PM GMT

Vanan

in அரசியல்

Report

சர்வதேச கிரிக்பெட் பேரவையினால் மேற்கொள்ளப்பட்ட சிறிலங்கா கிரிக்கெட் மீதான தடையை நீக்குவதற்கு நாடாளுமன்றத்திற்கு உள்ளேயும் வெளியேயும் சாத்தியமான அனைத்து நடவடிக்கைகள் எடுக்கப்படும் என ஆளும் கட்சியின் பிரதான அமைப்பாளரும், நகர அபிவிருத்தி மற்றும் வீடமைப்பு அமைச்சருமான பிரசன்ன ரணதுங்க தெரிவித்துள்ளார்.

இலங்கையில் விதிக்கப்பட்டுள்ள கிரிக்கட் மீதான தடையை நீக்குவதற்கு சர்வதேச கிரிக்கெட் பேரவையுடன் பேச்சுவார்த்தை நடத்த அதிபர் ரணில் விக்ரமசிங்க தலைமையிலான அரசாங்கம் செயற்பட்டு வருவதாக அமைச்சர் வலியுறுத்தியுள்ளார்.

அரசியல் தலையீடு அல்ல

சிறிலங்கா கிரிக்கெட் மிகவும் ஊழல் நிறைந்த நிறுவனம் என்பதை இந்நாட்டின் ஒவ்வொரு குடிமகனும் ஏற்றுக்கொள்ளும் உண்மையாகும்.

சிறிலங்கா கிரிக்கெட் மீதான தடையை நீக்க தீவிர நடவடிக்கை | Action Taken To Lift Ban On Sri Lankan Cricket

எனவே இதனை தேசிய பிரச்சினையாக கருதி சிறிலங்கா கிரிக்கெட் நிறுவனத்தில் ஊழலை இல்லாதொழிக்கும் நோக்கில் நாடாளுமன்றத்தில் அனைத்துக் கட்சிகளும் எதிர்க்கட்சி உறுப்பினர்களும் தீர்மானம் நிறைவேற்றியதாக அமைச்சர் பிரசன்ன ரணதுங்க குறிப்பிடுகின்றார்.

இது அரசியல் தலையீடு அல்ல என்றும் அவர் குறிப்பிட்டுள்ளார்.

சிறிலங்கா கிரிக்கெட் சபையின் தலைவர் சம்மி டி சில்வாவின் வேண்டுகோளுக்கு இணங்க சர்வதேச கிரிக்கெட் பேரவை சிறிலங்கா கிரிக்கெட் தடை விதித்ததாக கிரிக் இன்போ இணையத்தளம் உட்பட பல சர்வதேச ஊடகங்கள் தற்போது செய்தி வெளியிட்டுள்ளன.

சிறிலங்கா கிரிக்கெட் இந்த நாட்டு மக்களின் பொதுச் சொத்தானதே தவிர அவரது தனிப்பட்ட சொத்து அல்ல.

சட்ட நடவடிக்கை

அவ்வாறு கோரிக்கை விடுத்திருந்தால் அது நாட்டிற்கு செய்யும் துரோகமாகும். விஷயத்திற்கு பொறுப்பான அமைச்சர் உடனடியாக சட்ட நடவடிக்கை எடுக்க வேண்டும்.

சிறிலங்கா கிரிக்கெட் மீதான தடையை நீக்க தீவிர நடவடிக்கை | Action Taken To Lift Ban On Sri Lankan Cricket

ஊழல் நிறைந்த நிர்வாகக் குழுவின் கொடுங்கோன்மைக்கு எதிராக அனைத்து கிரிக்கெட் பிரியர்களும் ஒன்றிணைந்து செயற்பட வேண்டுமென அமைச்சர் பிரசன்ன ரணதுங்க தெரிவித்துள்ளார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்