இத்தாலியில் வேலை வாய்ப்பு : கோடிகளை சுருட்டிய நடிகர் சிக்கினார்
இத்தாலியில் வேலை வாங்கித் தருவதாகக் கூறி பல கோடி ரூபாய் மோசடி செய்த வழக்கில் பிரபல துணை நடிகர் ஒருவர் நேற்று (06) கைது செய்யப்பட்டதாக வளான மத்திய ஊழல் தடுப்புப் பிரிவு தெரிவித்துள்ளது.
சந்தேக நபர் பெட்டாலிங் ஜயா பகுதிக்கு வேறு ஒருவரிடம் பணம் பெற்றுக் கொள்வதற்காக வருவதாக பிரதான காவல்துறை பரிசோதகர் இந்திக வீரசிங்கவிற்கு கிடைத்த இரகசிய தகவலின் அடிப்படையில் தந்திரோபாயங்களை கையாண்டு சந்தேகநபர் கைது செய்யப்பட்டதாக காவல்துறையினர் தெரிவித்தனர்.
போலி விசாக்கள், போலி விமான டிக்கெட்டுகள்
சந்தேகநபர் கைது செய்யப்பட்ட போது, வெளிநாட்டு கடவுச்சீட்டுகள், இத்தாலிய அரசாங்கத்தால் வழங்கப்பட்டதாக நம்பப்படும் போலி விசாக்கள், போலி விமான டிக்கெட்டுகள் மற்றும் போலி ஆவணங்கள் அடங்கிய பல கையடக்கத் தொலைபேசிகள் கைப்பற்றப்பட்டுள்ளன.
இத்தாலி விசா மற்றும் விமான டிக்கெட்டுகளை காட்டி நாட்டின் பல்வேறு பகுதிகளில் உள்ளவர்களிடம் 5 லட்சம் முதல் 20 லட்சம் ரூபாய் வரை ஏமாற்றி சொகுசு விடுதிகளில் தங்கியிருப்பது காவல்துறை விசாரணையில் தெரியவந்துள்ளதாக கூறப்படுகிறது.
பல கோடி ரூபா கசினோ விளையாட்டில்
நாளொன்றுக்கு பல கோடி ரூபாவை கசினோ விளையாட்டில் கொட்டிவரும் சந்தேக நபர், மோசடி செய்யப்பட்ட பணத்துடன் வெளிநாடுகளுக்குச் சென்றுவிட்டு நேற்று முன்தினம் டுபாயில் இருந்து நாடு திரும்பியுள்ளதாக காவல்துறை தகவல்கள் தெரிவிக்கின்றன.
விசாரணைகளின் பின்னர், கிரிபத்கொட பிரதேசத்தில் உள்ள பிரபல ஹோட்டல் ஒன்றில் பதுங்கியிருந்த மற்றுமொரு சந்தேக நபர் கைது செய்யப்பட்டதுடன் பல போலி ஆவணங்களும் கண்டுபிடிக்கப்பட்டுள்ளன.
இருப்பிடத்தை அடையாளம் காண முடியாதவாறு
பிரதான சந்தேகநபர் மர்மமான வாழ்க்கை வாழ்ந்து வருவதாகவும், தனது இருப்பிடத்தை அடையாளம் காண முடியாதவாறு வட்ஸ்அப் தொழில்நுட்பத்தின் ஊடாக பரிவர்த்தனைகளை மேற்கொண்டுள்ளதாகவும் தெரியவந்துள்ளது.
பல தொலைக்காட்சி மற்றும் வானொலி அலைவரிசைகளில் பணிபுரிந்த சந்தேக நபர், இந்த நாட்களில் ஒளிபரப்பப்படும் விளம்பரங்கள் மற்றும் டெலிபிளேக்கள் மற்றும் திரைப்படங்களில் முன்னணி பாத்திரமாகவும் நடித்ததாக கூறப்படுகிறது.
புங்குடுதீவு, யாழ்ப்பாணம், கொழும்பு, சென்னை, India, Muscat, Oman
03 Aug, 2026
யாழ். அத்தியடி, யாழ்ப்பாணம், London, United Kingdom, மெல்போன், Australia
29 Jul, 2026
