வெளியான உயர்தர பரீட்சை பெறுபேறு:கல்வி அமைச்சு விடுத்துள்ள விசேட அறிவிப்பு

இன்று மாலை வெளியான உயர்தர பரீட்சை பெறுபேறு தொடர்பில் கல்வி அமைச்சு விசேட அறிவிப்பு ஒன்றை விடுத்துள்ளது.

இதன்படி 2022 (2023) ஆண்டில் உயர்தரப் பரீட்சைக்குத் தோற்றிய விண்ணப்பதாரர்களில் 166,938 பேர் பல்கலைக்கழக அனுமதிக்கு தகுதி பெற்றுள்ளனர். இவ்வாறு தகுதி பெற்றவர்களில் 149,487 பாடசாலை விண்ணப்பதாரர்களும் 17,451 தனியார் விண்ணப்பதாரர்களும் அடங்குவதாக தெரிவிக்கப்பட்டுள்ளது.

இதேவேளை, இவ்வருடம் 59 பாடசாலை விண்ணப்பதாரிகளின் பெறுபேறுகள் நிறுத்தி வைக்கப்பட்டுள்ளதுடன், 25 தனியார் விண்ணப்பதாரிகளின் பெறுபேறுகளும் நிறுத்தி வைக்கப்பட்டுள்ளன.

வெளியாகியது க.பொ.த உயர் தரப் பரீட்சை பெறுபேறுகள்

பரீட்சைக்கு மீண்டும் தோற்றுவதற்கு விரும்பினால்

2022(2023) ஆண்டில் உயர்தரப் பரீட்சைக்குத் தோற்றிய விண்ணப்பதாரர்களின் எண்ணிக்கை 263,933 ஆகும்.

இதேவேளை, 2022(2023)ஆண்டு உயர்தரப் பரீட்சைக்குத் தோற்றிய பரீட்சார்த்திகள் மாத்திரம் 2023 உயர்தரப் பரீட்சைக்கு மீண்டும் தோற்றுவதற்கு விரும்பினால், செப்டம்பர் 11 முதல் செப்டம்பர் 16 வரை https://onlineexams.gov.lk/eic ஊடாக மீண்டும் விண்ணப்பிக்க வாய்ப்பு வழங்கப்பட்டுள்ளது.

பெறுபேறுகள் வெளியிடப்பட்ட 24 மணி நேரத்திற்குள்

 பெறுபேறுகளின் மீள் திருத்தத்திற்கு https://onlineexams.gov.lk/eic ஊடாக செப்டம்பர் 07ஆம் திகதி முதல் 16ஆம் திகதி வரை விண்ணப்பிக்க வாய்ப்பு வழங்கப்பட்டுள்ளது.

அத்துடன், பெறுபேறுகள் வெளியிடப்பட்ட 24 மணி நேரத்திற்குள், அனைத்து பாடசாலை மற்றும் தனியார் விண்ணப்பதாரர்களும் https://onlineexams.gov.lk/eic ஐ அணுகி தேசிய அடையாள அட்டை இலக்கத்தை உள்ளிடுவதன் மூலம் பெறுபேறுகளை பதிவிறக்கம் செய்ய வசதி செய்யப்பட்டுள்ளதாக கல்வி அமைச்சு தெரிவித்துள்ளது .

முல்லைத்தீவில் முதலிடம் பிடித்த மாணவர்கள்