அலி கமேனி படுகொலை - உலகளாவிய சட்ட நெறிமுறைகளை அழித்துவிடும் : ஈரான் ஜனாதிபதி எச்சரிக்கை

United States of America Israel Iran Ayatollah Ali Khamenei

By Sathangani Mar 20, 2026 04:46 AM GMT

Sathangani

in உலகம்

Report

ஈரானின் முன்னாள் உச்ச தலைவர் அயதுல்லா அலி கமேனியின் படுகொலை "உலகளாவிய சட்ட நெறிமுறைகளை அழித்துவிடும்" என்று அந்நாட்டின் ஜனாதிபதி மசூத் பெஷெஷ்கியன் (Masoud Pezeshkian) தெரிவித்துள்ளார்.

ஈரான் ஜனாதிபதி வெளியிட்ட ஒரு சமூக ஊடகப் பதிவில், இஸ்ரேல் மற்றும் அமெரிக்கா ஆகிய இரு நாடுகளையும் விமர்சித்ததுடன், அவர்களின் நடவடிக்கைகள் "சர்வதேச சர்ச்சைகளில் ஒரு புதிய முன்னுதாரணத்தை உருவாக்கும்" என்று குறிப்பிட்டார்.

இந்த நிலையில் அவர் வெளியிட்ட பதிவில், சியோனிச ஆட்சியின் இயல்பே அரச பயங்கரவாதம்தான். ஆயினும், ஈரானுக்கு எதிரான அமெரிக்காவின் ஆக்கிரமிப்பும், தியாகி தலைவரின் படுகொலையும் சர்வதேச சர்ச்சைகளில் ஒரு புதிய முன்னுதாரணத்தை உருவாக்குகின்றன.

மொஜ்தபா கமேனி பதவியேற்றார்

இது உலகளாவிய சட்ட நெறிமுறைகளை அழித்துவிடும். உலகம் உறுதியாக நிற்கத் தவறினால், அதன் தீப்பிழம்புகள் பலரைச் சுட்டெரிக்கும்” என குறிப்பிடப்பட்டுள்ளது.

அலி கமேனி படுகொலை - உலகளாவிய சட்ட நெறிமுறைகளை அழித்துவிடும் : ஈரான் ஜனாதிபதி எச்சரிக்கை | Ali Khamenei Killed Destroy Global Legal Norms

இதேவேளை ஈரானுக்கு எதிரான போரின் முதல் நாளன்று தெஹ்ரானில் உள்ள அவரது வளாகத்தில் முன்னாள் உச்ச தலைவர் அயதுல்லா அலி கமேனி கொல்லப்பட்டார். அவர் 37 ஆண்டுகளுக்கும் மேலாக உச்ச தலைவராக இருந்து வந்தார்.

அவரது மரணத்தைத் தொடர்ந்து, கமேனியின் மகன் மொஜ்தபா கமேனி உச்ச தலைவர் பதவியை ஏற்றார், இருப்பினும் அவர் அன்று முதல் பொதுவெளியில் காணப்படவில்லை, இது அவரது உடல்நிலை குறித்த நிச்சயமற்ற தன்மையை மேலும் அதிகரித்துள்ளது.