யாழ். பருத்தித்துறை ஆதார வைத்தியசாலை உணவுச்சாலையில் முறைகேடு...!: நோயாளர்கள் கடும் விசனம்
யாழ்ப்பாணம் (jaffna) - வடமராட்சி பருத்தித்துறை ஆதார வைத்தியசாலையின் உணவுச்சாலையில் நோயாளர்களுக்கு தேவையான எந்தவிதமான உணவு வகைகளையும் பெற்றுக்கொள்ள முடியாமல் மக்கள் பெரிதும் சிரமப்படுவதாக தெரிவிக்கப்பட்டுள்ளது.
அத்தோடு, பிற்பகல் ஆறு மணிக்கு பின்னர் நோயாளர்கள் சுடுதண்ணீரை பெற்றுக் கொள்ள முடியாத அவல நிலையிலுள்ளதாகவும் தெரிவிக்கப்பட்டுள்ளது.
குறிப்பாக குறித்த உணவுச்சாலையில் ஆறு மணியுடன் சுடு தண்ணீர் வழங்கல் நிறுத்தப்பட்டுள்ளதாக தெரிவிக்கப்பட்டுள்ள நிலையில் அவசரமாக சுடுதண்ணீர் தேவைப்பட்ட மூவர் நேற்றிரவு 6:45 மணியளவில் சுடுதண்ணீர் பெறுவதற்கு சென்றுள்ளனர்.
மருத்துவமனை உணவுச்சாலை
அவ்வாறு சென்றவர்களிடம் இங்கு 6:00 மணியுடன் சுடுநீர் நிறுத்தப்பட்டுள்ளது, அவ்வாறு உங்களுக்கு சுடுநீர் அவசியமெனில் ரூபா 100 தாருங்கள் மின்சார கேற்றிலில் சுடுநீர் வைத்து தருகின்றேன் என உணவுச்சாலை நடத்துனர் கோரியுள்ளார்.
இந்தநிலையில், ரூபா 100 கேட்கப்பட்டதால் சுடுநீர் பெற்றுக்கொள்ளாமல் சென்றுள்ள நிலையில் இதனால் நோயாளர்கள் மற்றும் நோயாளர்களுக்கு உதவியாக நிற்பவர்கள் பெரிதும் சிரமங்களுக்கு உள்ளாகின்றனர்.
சுடுநீர் பெற சென்றவர்களுடன் உரையாடிய மருத்துவமனை உணவுச்சாலை முகாமையாளர் தம்மிடம் ரூபா 140000 மாதாந்த குத்தகை பெறுவதால் தாம் அதிகம் பாதிக்கப்படுவதாகவும் குறிப்பிட்டுள்ளார்.
குடிநீர் வழங்கல்
அத்தோடு, உணவுச்சாலையில் பெற்றுக் கொள்ளக் கூடிய உணவுகளாக கொத்துரொட்டி, பிட்டு கொத்து, பறோட்டா, ரொட்டி, சம்பா அரிசி, சோறு மற்றும் வெள்லலை அரிசி சோறு போன்றவை நீரிழிவு நோயாளர்களுக்கு உகந்ததல்லாத உணவுப் பொருட்கள் மட்டுமே அங்கே விற்பனை செய்யப்படுவதாக சுட்டிக்காட்டப்பட்டுள்ளது.
குறிப்பாக சிற்றுண்டிகளாக மஸ்கற், பூந்தி மற்றும் லட்டு போன்றனவே அதிகளவில் விற்பனை செய்யடுவதாக தெரிவிக்கப்பட்டுள்ளதுடன் பாதுகாப்பான குடிநீரானது யாழ்ப்பாணம் வடமராட்சி தொண்டமனாறு செல்வச்சந்நிதான் ஆச்சிரமத்தால் பல இலட்சம் செலவில் அமைத்துக் கொடுக்கப்பட்ட சுத்திகரிக்கப்பட்ட குடிநீர் வழங்கல் தொகுதி உரிய பராமரிப்பின்மையால் செயலிழந்துள்ளதாகவும் தெரிவிக்கப்பட்டுள்ளது.
இதனால் நோயாளர்கள் ஒரு லீட்டர் குடிநீரை ரூபா 80 பெறுமதியிலேயே பெற்றுக் கொள்வதாகவும் மருத்துவ மனையில் பணியாற்றுபவர்கள் விடுதியில் தங்கியுள்ளவர்கள் உட்பட அனைவரும் மருத்துவமனைக்கு வெளியே சென்று பாதுகாப்பான குடிநீரை பெற்றுக்கொள்வதாகவும் தெரிவிக்கப்பட்டுள்ளது.
மேலும், இன்றைய தினம் மருத்துவமனையில் ஆறாம் விடுதியில் அனுமதிக்கப்பட்ட சில நோயாளர்கள் பலமணி நேரமாக கட்டில் இன்றி கதிரைகளில் அமர்திருந்துள்ளதாக தெரிவிக்கப்பட்டுள்ளதுடன் அண்மை நாட்களில் இவ்வாறான சம்பவங்கள் அதிகரித்து வருவதாக தெரிவிக்கப்பட்டுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
வதிரி, அம்பாந்தோட்டை, Oslo, Norway, London, United Kingdom, Sutton, United Kingdom
31 May, 2025
கரணவாய் மேற்கு, Urtenen-Schönbühl, Switzerland, பேர்ண், Switzerland
08 May, 2025
Kuala Lumpur, Malaysia, மட்டுவில், கிளிநொச்சி, Scarborough, Canada
19 Jun, 2024
நெடுந்தீவு, முரசுமோட்டை, Vancouver, Canada, Mississauga, Canada
19 May, 2024
கோண்டாவில் கிழக்கு, கொழும்பு, New Jersey, United States, Winnipeg, Canada
28 Mar, 2025
யாழ் நெடுந்தீவு கிழக்கு, Jaffna, நெடுந்தீவு, வவுனியா, Montreuil, France
31 May, 2025
புங்குடுதீவு 11ம் வட்டாரம், London, United Kingdom, அரியாலை
19 May, 2024
புங்குடுதீவு 6ம் வட்டாரம், புங்குடுதீவு 4ம் வட்டாரம், Woodbridge, Canada
06 Jun, 2024
வேலணை 4ம் வட்டாரம், Basel-City, Switzerland, Breitenbach, Switzerland
02 Jun, 2025
