வீதியில் தோணிகளை வைத்து கடற்றொழிலாளர்கள் ஆர்ப்பாட்டம்!(படங்கள்)
அம்பாறை மாவட்டம், சாய்ந்தமருது சந்தைக்கு அருகில் கடற்கரை வீதியை தோணிகளைக் கொண்டு மறித்து கடற்றொழிலாளர்கள் ஆர்ப்பாட்டத்தில் ஈடுபட்டனர்.
கரையோரப் பாதுகாப்பு தரப்பினர் கடலரிப்பபைத் தடுப்பதற்கு எனத் தெரிவித்து பாரிய முண்டுக் கற்களை மீன்பிடி நடவடிக்கைகளுக்காகப் போக்குவரத்து செய்யும் பாதையில் போட்டுவிட்டு நாட்கள் பல கடந்தும் எந்தவித நடவடிக்கையும் எடுக்கவில்லை எனக் கண்டித்தே இப்போராட்டம் முன்னெடுக்கப்பட்டது.
குறித்த போராட்டம் இன்று (18) காலை இடம்பெற்றுள்ளது.
இதனால் சில மணிநேரம் போக்குவரத்து ஸ்தம்பிதமடைந்திருந்ததாக கூறப்படுகிறது.
கடற்றொழிலாளர்கள் கோரிக்கை
மேலும், கடலரிப்பு மற்றும் அதிகாரிகளின் இவ்வாறான நடவடிக்கைளால் எங்களது நாளாந்த கடற்றொழில் பாதிக்கப்பட்டுள்ளது உரிய அதிகாரிகள் இதற்கு உடனடியாக தீர்வு காண வேண்டும் என கடற்றொழிலாளர்கள் கோரிக்கை விடுத்தனர்.
இதேவேளை சாய்ந்தமருது காவல்துறையினரும் கரையோரப் பாதுகாப்பு தரப்பினரும் சம்பந்தப்பட்ட இடத்திற்கு வருகைதந்து கடற்றொழிலாளர்களுடன் சமரசமாகப் பேசியதன் பின்னர் சுமார் 02 மணித்தியாலங்களின் பின்னர் கற்கள் போடும் வேலைகளை துரிதமாக செய்கின்றோம் என்று உறுதியாக தெரிவித்தனர்.
அதற்கு இணங்க கடற்றொழிலாளர்கள் மறிக்கப்பட்ட பாதையில் தோணிகள் அகற்றப்பட்டன.
இங்கு சாய்ந்தமருது முன்னாள் பிரதேச செயலாளர் ஏ.எல்.எம்.சலீம் மற்றும் கடற்றொழில் சங்கங்கள் இணைந்து இந்த ஆர்ப்பாட்டத்தில் ஈடுபட்டிருந்தனர் என்பது குறிப்பிடத்தக்கது.
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
