உயிர்த்த ஞாயிறு தாக்குதல் வழக்கின் தீர்ப்புக்கான திகதி அறிவிப்பு
ஈஸ்டர் ஞாயிறு பயங்கரவாதத் தாக்குதலுக்குச் சதித்திட்டம் தீட்டியமை மற்றும் அதற்குத் உடந்தையாக இருந்தமை தொடர்பில் 25 பிரதிவாதிகளுக்கு எதிரான தீர்ப்பை அறிவிப்பதற்கு நீதிமன்றம் தீர்மானித்துள்ளது.
இதன்படி இது குறித்து விசாரித்துவரும் கொழும்பு நிரந்தர மூவரடங்கிய மேல் நீதிமன்றத்தில் விசாரிக்கப்பட்ட வழக்கின் தீர்ப்பைச் செப்டம்பர் மாதம் 22ஆம் திகதி அறிவிப்பதற்குத் தீர்மானித்துள்ளது.
இந்த வழக்கினை மேல் நீதிமன்ற நீதிபதிகளான நவரத்ன மாரசிங்க, ராமநாதன் கண்ணன் மற்றும் சுஜீவ நிஷங்க ஆகிய மூவரடங்கிய சிறப்பு நீதிபதிகள் அமர்வு விசாரித்து வருகின்றது.
23,270க்கும் மேற்பட்ட குற்றச்சாட்டுகள்
இந்த வழக்கில் பிரதிவாதிகளுக்கு எதிராகச் சதித்திட்டம் தீட்டியமை, கொலை செய்ய உந்துதலாக இருந்தமை, ஆயுதங்களைச் சேகரித்தமை உட்பட 23,270க்கும் மேற்பட்ட பாரிய குற்றச்சாட்டுகள் சட்டமா அதிபரினால் சுமத்தப்பட்டுள்ளன.
விசாரணையின்போது சந்தேகநபர்களான முகமது நௌபர் (Naufer Maulavi) என்பவரை முதன்மைப் பிரதிவாதியாகக் கொண்டு மொத்தம் 24 முதல் 25 பிரதிவாதிகள் பெயரிடப்பட்டுள்ளதுடன், அவர்கள் அனைவரும் தற்போது விளக்கமறியலில் வைக்கப்பட்டுள்ளனர்.
அண்மையில் (ஆகஸ்ட் 17 அன்று) இவ்வழக்கு விசாரணைக்கு எடுத்துக்கொள்ளப்பட்ட போது, பிரதிவாதிகளான செய்னுல் ஆப்தீன் முகமது ஜாஸ்மி, முகமது முஸ்தபா முகமது ரிஸ்வான் மற்றும் மீரா சாஹிர் முகமது நப்லி ஆகியோர் கூண்டிலிருந்து தங்களது தரப்பு நியாயங்களை விளக்கி வாக்குமூலம் அளித்தமை குறிப்பிடத்தக்கது.
நெடுந்தீவு மேற்கு, யோகபுரம், Paris, France, Tergnier, France, Chelmsford, United Kingdom
16 Aug, 2026
கொழும்புத்துறை, கொழும்பு, ஸ்கந்தபுரம், London, United Kingdom
09 Aug, 2026
கரவெட்டி, கொக்குத்தொடு, புதுக்குடியிருப்பு 2ம் வட்டாரம், Mullaitivu
27 Aug, 2023
புங்குடுதீவு 10ம் வட்டாரம், புங்குடுதீவு 3ம் வட்டாரம், Ajax, Canada
03 Sep, 2025
