அர்ச்சுனாவுக்கு தெரியும்! விடுதலைப் புலிகள் அமைப்பால் ஆட்சியை கைப்பற்றிய அநுர என்கிறது மகிந்த தரப்பு

Anura Kumara Dissanayaka Sagara Kariyawasam Sri Lanka Government Ramanathan Archchuna

By Dharu Oct 08, 2026 12:43 PM GMT

Dharu

in அரசியல்

Report

தமிழீழ விடுதலைப் புலிகள் அமைப்பும், வெளிநாடுகளிலுள்ள அதன் பிரிவுகளும் உதவி செய்ததன் காரணமாகவே அநுரகுமார திஸாநாயக்க தலைமையிலான இந்த அரசாங்கம் ஆட்சிக்கு வந்தது என நாடாளுமன்ற உறுப்பினர் அர்ச்சுனா பலமுறை தெரிவித்ததாக பொதுஜன பெரமுன கட்சியின் பொதுச் செயலாளர் சாகர காரியவசம் தெரிவித்துள்ளார்.

இது அர்ச்சுனாவுக்கு தனிப்பட்ட ரீதியில் தெரியும் என அவர் தெரிவித்ததாகவும் சாகர காரியவசம் சுட்டிக்காட்டினார்.

பொதுஜன பெரமுன கட்சியின் தலைமையகத்தில் இன்றையதினம் இடம்பெற்ற செய்தியாளர் சந்திப்பின்போதே அவர் மேற்கண்டவாறு குறிப்பிட்டார்.

பௌத்தத்திற்கு எதிரான நிலை

தொடர்ந்தும் தெரிவிக்கையில், இந்த அரசாங்கம் பௌத்தத்திற்கு எதிரான நிலையில் உள்ளது என்பதுதான் எங்களது கருத்து. ஆரம்பத்தில் இருந்தே இதே நிலையில் தான் நாங்கள் இருந்திருக்கின்றோம்.

அர்ச்சுனாவுக்கு தெரியும்! விடுதலைப் புலிகள் அமைப்பால் ஆட்சியை கைப்பற்றிய அநுர என்கிறது மகிந்த தரப்பு | Anura Who Seized Power With The Ltt

ஆனால், வெறும் கருத்தையும் தாண்டி இப்போது அது தெளிவாகத் தெரிகின்றது. இதனை நாடாளுமன்ற உறுப்பினர் அர்ச்சுனா இராமநாதனும் உறுதிப்படுத்தியிருக்கின்றார்.

அப்படியானால் அவர்களுக்கு இந்த நாட்டின் பலத்தை அழிக்க வேண்டும். வரலாற்று ரீதியாக, துட்டகைமுனு மன்னனின் காலத்தில் இருந்தே வெளிநாட்டுப் படையெடுப்புக்கள் நிகழ்ந்த போதெல்லாம் இந்த நாட்டைப் பாதுகாக்க மகா சங்கத்தினரே முன்னின்றனர்.

எனவே இந்த நாட்டிற்கு தீங்கு செய்ய நினைக்கும் அல்லது பலவீனப்படுத்த நினைக்கும் எந்தவொரு அமைப்பினதும் முதன்மை வேலை, இந்த வரலாற்றில் இருந்து பௌத்த கலாசாரத்தையும், பௌத்த பலத்தையும் அழிப்பதே ஆகும்" என கூறியுள்ளார்.