எல்லை தாண்டினால் கைது என்பது உறுதி! இந்திய கடற்றொழிலாளர்களுக்கு அரசாங்கம் எச்சரிக்கை
இந்திய எல்லையை தாண்டி இலங்கை கடற்பரப்புக்குள் நுழையும் இந்திய கடற்றொழிலாளர்களை தொடர்ந்தும் கைது செய்வோம் என அமைச்சர் இராமலிங்கம் சந்திரசேகரன் எச்சரித்துள்ளார்.
அவர் மேலும் தெரிவிக்கையில்,
''இந்திய உயர் நீதிமன்றம் நேற்று முன்தினம் புதன் கிழமை தமிழ்நாடு அரசுக்கும் இந்திய மத்திய அரசுக்கும் உண்மை விளக்கத்தை கூறியிருக்கிறது.
கச்சதீவு யாருக்கு சொந்தம்
அதாவது கச்சதீவு யாருக்கு சொந்தம் என்ற விவாதம் இந்திய தேர்தல் காலங்களில் அநேகமாக பேசுபொருளாக மாறுகின்ற விடயம்.
அது மட்டும் அல்லாது இந்திய கடற்றொழிலாளர்கள் இலங்கை கடற்பரப்புக்குள் அத்துமீறி தொழில் நடவடிக்கையில் ஈடுபடுவதும் அவர்களை இலங்கை கடற்படையினர் கைது செய்வதும் சம்பவங்களும் இடம்பெற்றுக் கொண்டிருக்கின்றன.
இவ்வாறான ஒரு நிலையில் இந்திய உயர் நீதிமன்றம் எமது கடற்றொழிலாளர்களின் உண்மை நிலையை பிரதிபலிக்கும் முகமாக சம்பந்தப்பட்ட மத்திய மாநில அரசுகளுக்கு கருத்துரைள்ளது.
அதாவது இலங்கை கடல் சுத்தமாக இருக்கிறது. அதனால் அங்கு மீனினங்கள் அதிகம் பெறுகின்றன. இந்திய கடற்பரப்பு அசுத்தமானதால் மீன் இனங்கள் இல்லை. அதனால் இந்திய கடற்றொழிலாளர்கள் அத்துமீறி இலங்கை கடற்பரப்புக்குள் செல்வது சட்ட விரோதம் என தெரிவித்துள்ளது.
நாங்களும் அதைத்தான் நீண்ட நாட்களாக இந்திய கடற்றொழிலாளர்கள் விடயத்தில் கூறி வருகிறோம். எமது கடல் எமது இறையாண்மைக்குள் வராதீர்கள் வந்தால் இலங்கை கடற்படை உங்களை கைது செய்யும் என கூறினோம்.
அதன் அடிப்படையில் 2013க்கு பின்னர் எல்லை தாண்டி இலங்கை கடற்பரப்புக்குள் நுழைந்த சுமார் 2936 இந்திய கடற்றொழிலாளர்கள் கைது செய்யப்பட்டுள்ள நிலையில் அவர்களின் 510 விசைப்படகுகளும் கைப்பற்றப்பட்டன.
எமது அரசாங்கம் பொறுப்பேற்று இரண்டு வருடங்களில் சுமார் 390 எல்லை தாண்டிய இந்திய கடற்றொழிலாளர்கள் கைது செய்யப்பட்ட நிலையில் அவர்களிடம் இருந்து 46 விசைப் படகுகளும் கைப்பற்றப்பட்ட நிலையில் 22விசைப் படகுகள் அரசுடமையாக்கப்பட்டுள்ளது" என்றார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
Tellipallai, கொழும்பு, யாழ்ப்பாணம், வவுனியா, Ontario, Canada
04 Oct, 2026
