அருகம்பே கடற்கரை:ஆசியாவின் சிறந்த சுற்றுலாத் தலமாக தெரிவு

Sri Lanka Tourism Tourism Arugam Bay

By Sindu Oct 15, 2026 10:32 AM GMT

Sindu

in சமூகம்

Report

'Condé Nast Traveller 2026 Readers' எனும் வாசகர்களின் விருப்ப விருதுகளில் இலங்கையில் உள்ள நான்கு கடலோர சுற்றுலாத் தலங்கள் இடம்பிடித்துள்ளன.

ஆசியாவின் சிறந்த கடற்கரை சுற்றுலாத் தலங்களில் ஒன்றாக இலங்கை உருவெடுத்துள்ள நிலையில் இதில் அருகம்பே கடற்கரை ஆசியாவின் சிறந்த கடற்கரையாக தரவரிசைப்படுத்தப்பட்டுள்ளது.

அதன்படி அருகம்பே கடற்கரை 98.84 புள்ளிகளுடன் பட்டியலில் முதல் இடத்தைப் பிடித்துள்ளது.

இலங்கைக்கு நான்கு இடங்கள்

இந்தத் தரவரிசையின்படி, தாய்லாந்து, இந்தோனேஷியா, மலேஷியா, இந்தியா மற்றும் பிலிப்பைன்ஸின் புகழ்பெற்ற கடற்கரை சுற்றுலாத் தலங்களை அருகம்பே பின்னுக்குத் தள்ளியுள்ளது.

அருகம்பே கடற்கரை:ஆசியாவின் சிறந்த சுற்றுலாத் தலமாக தெரிவு | Asian Beach Arugambey No1 Srilanka

மேலும் 88.33 புள்ளிகளுடன் பெந்தோட்டை கடற்கரை 9ஆவது இடத்தையும் 83.33 புள்ளிகளுடன் தங்காலை கடற்கரை 14ஆவது இடத்தையும் 78.92 புள்ளிகளுடன் நீர்கொழும்பு கடற்கரை 19ஆவது இடத்தையும் பிடித்துள்ளது.

இந்தப் பட்டியலின்படி முதல் 20 இடங்கள் கொண்ட பட்டியலில் இலங்கை நான்கு இடங்களைப் பதிவு செய்துள்ளது.

தாய்லாந்தின் ரெய்லே கடற்கரை 94.44 புள்ளிகளுடன் 2ஆவது இடத்தையும் மலேஷியாவின் பெங்கொர் தீவிலுள்ள கோரல் கடற்கரை 3ஆம் இடத்தையும் பிடித்துள்ளமை குறிப்பிடத்தக்கது.