சிறைகளில் மதத் தலைவர்களின் நிலைகண்டு வெம்பியிருக்கிறேன்: டக்ளஸ் சுட்டிக்காட்டு

Anura Kumara Dissanayaka Douglas Devananda Prison

By Sindu Oct 15, 2026 12:49 PM GMT

Sindu

in சமூகம்

Report

அனைத்து மதங்களின் தலைவர்களும் சிறைச்சாலைகளில் கௌரவமாக நடாத்தப்படுவதை சட்டத்தின் ஊடாக உறுதிப்படுத்த வேண்டும் என்று ஈழ மக்கள் ஜனநாயகக் கட்சியின் செயலாளர் நாயகம் டக்ளஸ் தேவானந்தா வலியுறுத்தியுள்ளார்.

ஜனாதிபதி அநுரகுமார திசாநாயக்காவிற்கு எழுதியுள்ள அவசர கடிதத்திலேயே இந்த விடயம் வலியுறுத்தப்பட்டுள்ளது.

அதில் மேலும் குறிப்பிடப்பட்டுள்ளதாவது, "பௌத்த மதத் தலைவர்களுள் ஒருவரான கலகொட அத்தே ஞானசார தேரருக்கான சிறை தண்டனை மீண்டும் உறுதிப்படுத்தப்பட்ட நிலையில் சிறையில் அடைக்கப்பட்டுள்ள தேரருக்கு சிறைச்சாலை நடைமுறைகளுக்கு அமைவாக ஆடைகள் வழங்கப்பட்டமை நாட்டில் பேசுபொருளாக மாறி இருக்கின்றது.

விரைவான நடவடிக்கைகளுக்கு பாராட்டு

பௌத்த மத பீடங்களும் இதுதொடர்பாக கருசணை காட்டி வருகின்ற நிலையில், குறித்த விவகாரத்தினை சுமூகமாக தீர்த்து வைப்பதற்கு அரசாங்கம் விரைவான நடவடிக்கைகளை முன்னெடுப்பதை அவதானிக்க கூடியதாக இருக்கின்றது.

சிறைகளில் மதத் தலைவர்களின் நிலைகண்டு வெம்பியிருக்கிறேன்: டக்ளஸ் சுட்டிக்காட்டு | Douglas Devananda President Letter Prison

குறுகிய அரசியல் நலன்களுக்கு இவ்விவகாரம் பயன்படுத்தப்பட்டு நாட்டில் தேவையற்ற அசௌகரியங்களுக்கு இடமளிக்காத வகையில் தங்களின் அரசாங்கத்தினால் முன்னெடுக்கப்பபடும் விரைவான நடவடிக்கைகளுக்கு பாராட்டுக்களை தெரிவித்துக் கொள்கின்றேன்.

அத்துடன், சட்ட ரீதியான திருத்தங்கள் ஊடாக குறித்த விவகாரத்திற்கான நிரந்தர தீர்வு உறுதிப்படுத்துகின்றபோது, சிறைகளில் அடைக்கப்படுகின்ற ஏனைய மதத் தலைவர்களும் கௌரவமாகவும் கண்ணியமாகவும் நடத்தப்படுவதற்கான ஏற்பாடுகள் சட்டத் திருத்தங்களில் தெளிவாக உள்ளடக்கப்பட வேண்டும் என்று கேட்டுக் கொள்கின்றேன்.

80களில் வெலிக்கடை, மட்டக்களப்பு போன்ற சிறைச்சாலைகளில் நான் இருந்த காலத்தில் சக கைதிகளாக இருந்த மதத் தலைவர்கள் அநாகரீகமாக நடாத்தப்படுவதை பார்த்து வெம்பிய தருணங்கள் நினைவிற்கு வருகின்றன.

எனவே தற்போதைய சந்தர்ப்பத்தை பயன்படுத்தி, அனைத்து மதத் தலைவர்களும் சிறை சாலைகளில் கௌரவமாகவும் கண்ணியமாகவும் நடாத்தப்படுவதை சட்டத்தின் மூலம் உறுதிப்படுத்துமாறு வலியுறுத்துகின்றேன்." என்று தெரிவிக்கப்பட்டுள்ளது.