ஆசிய அபிவிருத்தி வங்கியின் ஆதரவு திட்டம் விரைவில் இலங்கைக்கு

Sri Lanka Economic Crisis Economy of Sri Lanka

By Dharu Oct 31, 2025 10:50 AM GMT

Dharu

in பொருளாதாரம்

Report

தேசிய துறைமுகப் பெருந்திட்டத்தைப் புதுப்பிப்பதற்காக ஒதுக்கப்பட்ட பொது நிதியுதவி கட்டுமானம் மற்றும் ஆசிய அபிவிருத்தி வங்கியிடமிருந்து கிடைக்கவுள்ள ஆதரவு குறித்து விசேட கலந்துரையாடல் ஒன்று இடம்பெற்றுள்ளது.

துறைமுகங்கள் மற்றும் சிவில் விமானப் போக்குவரத்து அமைச்சர் அனுர கருணாதிலக்க மற்றும் பிரதி அமைச்சர் ஜனித் ருவான் கொடிதுவக்கு ஆகியோருடன், ஆசிய வளர்ச்சி வங்கியின் (ADB) போக்குவரத்துப் பிரிவின் பிரதிநிதிகள் குழுவுடன் அமைச்சரின் அலுவலகத்தில் ஒரு சிறப்பு சந்திப்பு இடம்பெற்றுள்ளது.

இந்தக் கூட்டத்தில் இலங்கையில் உள்ள ஆசிய வளர்ச்சி வங்கியின் இயக்குநர் தகாஃபூமி கடோனோ கலந்து கொண்டார்.

துறைமுகத் துறைக்கு ஆதரவு

அவர் கடந்த ஆண்டுகளில் இலங்கை துறைமுகத் துறைக்கு வழங்கப்பட்ட ஆதரவை நினைவு கூர்ந்தார்.

இந்த சந்திப்பு ஆசிய வளர்ச்சி வங்கியின் இன் நீண்டகால கூட்டாண்மையையும் மீண்டும் உறுதிப்படுத்தியதாக கருதப்படுகிறது.

ஆசிய அபிவிருத்தி வங்கியின் ஆதரவு திட்டம் விரைவில் இலங்கைக்கு | Asian Development Bank Supported Project

புதிய பதவியை ஏற்றுக்கொண்டதற்கு அமைச்சர் அனுர கருணாதிலக்கவை வாழ்த்திய கடோனோ, இலங்கையின் கடல்சார் மற்றும் போக்குவரத்து மேம்பாட்டு முயற்சிகளை ஆதரிப்பதற்கான ஆசிய வளர்ச்சி வங்கியின் உறுதிப்பாட்டை மீண்டும் வலியுறுத்தினார்.

1970களில் இருந்து போக்குவரத்துத் திட்டங்கள் முதல் மேற்கு கொள்கலன் முனையத்தின் இரண்டாம் கட்டம் வரையிலான பொறியியல் திட்டங்களுக்கு வங்கி தொடர்ந்து நிதி உதவி அளித்து வருவதையும் அவர் நினைவு கூர்ந்தார்.

தேசிய துறைமுகப் பெருந்திட்டத்தைப் புதுப்பிப்பதற்காக ஒதுக்கப்பட்ட பொது நிதியுதவி, மேற்கு கொள்கலன் முனையத்தில் அலைதாங்கி கட்டுமானம் மற்றும் ஆசிய வளர்ச்சி வங்கியிடமிருந்து வரவிருக்கும் ஆதரவு குறித்தும் அவர் கருத்து தெரிவித்துள்ளார்.