மீண்டும் சொதப்பியது தென்னாபிரிக்கா : இறுதிப்போட்டியில் இந்தியாவுடன் மோதுகிறது அவுஸ்திரேலியா
உலககிண்ண இறுதிபோட்டியில் இந்திய அணியுடன் அவுஸ்திரேலியா அணி மோதவுள்ளது.
இன்று கொல்கத்தா ஈடன் காடன் மைதானத்தில் நடைபெற்ற போட்டியில் தென்னாபிரிக்க அணியை 03 விக்கெட்டுக்களால் வெற்றி கொண்ட அவுஸ்திரேலிய அணி இறுதிப்போட்டியில் களமிறங்கவுள்ளது.
முதலில் துடுப்பெடுத்தாடிய தென்னாபிரிக்க அணி
முன்னதாக நாணயச்சுழற்சியில் வென்று முதலில் துடுப்பெடுத்தாடிய தென்னாபிரிக்க அணி 49.4 ஓவர்களில் அனைத்து விக்கெட்டுக்களையும் இழந்து 212 ஓட்டங்களை மட்டுமே பெற்றுக்கொண்டது.
அவ்வணி சார்பாக டேவிட் மில்லர் 101 ஓட்டங்களையும் ஹென்றிச் கிளேசன் 47 ஓட்டங்களையும் பெற்றுக் கொடுத்தனர்.
பந்துவீச்சில் மிச்செல் ஸ்ரார்க் மற்றும் பட் கம்மின்ஸ் இருவரும் தலா மூன்று விக்கெட்டுக்களையும் ஹேசல்வூட் மற்றும் ட்ராவிஸ் ஹெட் இருவரும் தலா இரண்டு விக்கெட்டுக்களையும் கைப்பற்றினர்.
பதிலுக்கு களமிறங்கிய அவுஸ்திரேலிய அணி
பதிலுக்கு 213 ஓட்டங்கள் எடுத்தால் வெற்றி என களமிறங்கிய அவுஸ்திரேலிய அணி 47.2 ஓவர்களில் 07 விக்கெட்டுக்களை இழந்து 215 ஓட்டங்களை பெற்று வெற்றி பெற்றது.
அவ்வணி சார்பாக ட்ராவிஸ் ஹெட் 62, ஸ்மித் 30,ஜோஷ் இங்கிலிஸ்28 ஓட்டங்களை பெற்றுக்கொடுத்தனர்.
அவுஸ்திரேலிய அணி எட்டாவது முறையாக இறுதிப்போட்டிக்குள் நுழைந்துள்ளமை குறிப்பிடத்தக்கது.
இதன்படி எதிர்வரும் 19 ஆம் திகதி நடைபெறவுள்ள இறுதிப்போட்டியில் இந்திய அவுஸ்திரேலிய அணிகள் மோதவுள்ளன.
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
வேலணை 1ம் வட்டாரம், மண்கும்பான் மேற்கு, Liestal, Switzerland
10 Aug, 2025
