அயோத்தி ராமர் கோயில் திறப்பு விழா : பங்கேற்கவுள்ள நித்தியானந்தா!

Uttar Pradesh India Nithyananda Ayodhya Ayodhya Ram Mandir

By Eunice Ruth Jan 21, 2024 05:53 PM GMT

Eunice Ruth

in இந்தியா

Report

அயோத்தி ராமர் கோயில் திறப்பு விழா நாளை (22) கோலாகலமாக நடைபெற உள்ளது.

இதில் கலந்து கொள்ளப் போவதாக தலைமறைவாக உள்ள நித்தியானந்தா அறிவித்துள்ளமை தற்போது பேசுபொருளாக மாறியுள்ளது.

ராமர் கோயில்

உத்தரப் பிரதேசம், அயோத்தியில் சுமார் 70 ஏக்கர் பரப்பளவில் பிரம்மாண்ட ராமர் கோயில் கட்டப்பட்டு உள்ளது.

அயோத்தி ராமர் கோயில் திறப்பு விழா : பங்கேற்கவுள்ள நித்தியானந்தா! | Ayodhya Ram Mandir Nithyananda Kailasa Trending

இந்த கோயிலின் திறப்பு விழா நாளை நடைபெறவுள்ள நிலையில், இதில் இந்திய பிரதமர் நரேந்திர மோடி, மடாதிபதிகள், அரசியல் தலைவர்கள், திரையுலகம், விளையாட்டு துறை பிரபலங்கள், வெளிநாட்டு தலைவர்கள் என 11 ஆயிரத்துக்கும் அதிகமானோர் பங்கேற்கவுள்ளனர்.

நித்தியானந்தாவின் பங்கேற்பு

இந்த நிலையில், இந்த வரலாற்று மற்றும் அசாதாரண நிகழ்வைத் தவறவிடாதீர்கள் என நித்தியானந்தா தனது ட்விட்டர் தளத்தில் தெரிவித்துள்ளார்.

2 More Days Until the Inauguration of Ayodhya Ram Mandir!

Don't miss this historic and extraordinary event! Lord Rama will be formally invoked in the temple's main deity during the traditional Prana Pratishtha and will be landing to grace the entire world!

Having been formally… pic.twitter.com/m4ZhdcgLcm
— KAILASA's SPH NITHYANANDA (@SriNithyananda) January 20, 2024

அவர் மேலும் தெரிவித்ததாவது, “அயோத்தி கோயிலில் ராமர் பிரதிஷ்டை செய்யப்படுகிறார். இது உலகம் முழுவதையும் அலங்கரிக்கும் ஓர் நிகழ்வாகும்.

முறைப்படி அழைப்பு விடுக்கப்பட்டுள்ள நிலையில், இந்து மதத்தின் உயர் மத தலைவர் பகவான் ஸ்ரீ நித்தியானந்த பரமசிவம் இந்த நிகழ்வில் கலந்து கொள்வார்" என அவர் குறிப்பிட்டுள்ளார்.

தேடப்பட்டு வரும் குற்றவாளி

இந்தியாவில் தேடப்பட்டு வரும் குற்றவாளியான நித்தியானந்தா கைலாசா என்ற தனி நாட்டை உருவாக்கியுள்ளதாக கூறப்பட்டுள்ளது.

அத்துடன், வன்புணர்வு வழக்கில் கடந்த 2010 ஆம் ஆண்டு அவரது ஓட்டுநர் கொடுத்த முறைப்பாட்டின் அடிப்படையில் கைது செய்யப்பட்ட நித்தியானந்தா, பின்னர் பிணையில் விடுவிக்கப்பட்டார்.

இதையடுத்து, தலைமறைவாகிய அவர், தற்போது ராமர் கோவில் திறப்பு விழாவில் பங்கேற்கவுள்ளதாக தெரிவித்துள்ளமை பரபரப்பை ஏற்படுத்தியுள்ளது.