தமிழர் பகுதியொன்றில் மாவீரர் நினைவேந்தலுக்கு தடை விதித்த நீதிமன்றம்!
திருகோணமலை, சம்பூர் - ஆலங்குளம் மாவீரர் துயிலுமில்லத்தில் இடம்பெறும் மாவீரர்தின நினைவேந்தலில் கலந்து கொள்ள மூதூர் நீதிமன்றம் தடை உத்தரவு பிறப்பித்துள்ளது.
சம்பூர் காவல் நிலைய பொறுப்பதிகாரி ஊடாக மேற்கொள்ளப்பட்ட விண்ணப்பத்தின் அடிப்படையில் மூதூர் நீதிமன்ற நீதவான் எச்.எம்.தஸ்னீம் பௌஷான் இன்று (23) குறித்த தடையுத்தரவை பிறப்பித்துள்ளார்.
நாடாளுமன்ற உறுப்பின்னர்கள் உட்பட 17 பேருக்கு
குறித்த தடையுத்தரவானது நாடாளுமன்ற உறுப்பினர்களான கஜேந்திரகுமார் பொன்னம்பலம், செல்வராசா கஜேந்திரன் உட்பட பெயர் குறிப்பிட்ட 17 பேருக்கு எதிராகவும், ஏனையோருக்கு எதிராகவும் பிறப்பிக்கப்பட்டுள்ளது.
குற்றவியல் நடைமுறைச் சட்டத்தின் பிரிவு 106 (01) விதிகளின்படி பொது சுகாதாரம் மற்றும் பொது வாழ்க்கைக்கு ஆபத்தை விளைவிக்கும் எந்த ஒரு செயலிலும் ஈடுபடுவதை தவிர்க்க வேண்டும் என்ற விதிகளின் அடிப்படையில் சம்பூர் காவல் நிலைய பொறுப்பதிகாரி அறிக்கையொன்றினை சமர்ப்பித்துள்ளார்.
ஆலங்குளம் துயிலுமில்லத்தில்
மேலும் சம்பூர் காவல்துறை பிரிவுக்குட்பட்ட ஆலங்குளத்தில் விடுதலை புலி உறுப்பினர்கள் புதைக்கப்பட்டிருக்கும் மயானத்திலோ அல்லது பொதுமக்கள் சட்ட ரீதியாக பயன்படுத்தக்கூடிய எந்த ஒரு மயானத்திலோ விடுதலைப்புலிகளின் இறந்த உறுப்பினர்களை நினைவு கூரும் நோக்கத்திற்காக மாவீரர் நினைவேந்தல் தொடர்பில் தமது காவல்துறை அதிகார வரம்பிற்குள் குறித்த நிகழ்வினை நடாத்த வேண்டாம் எனவும் தெரிவிக்கப்பட்டுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள் |
நெடுந்தீவு, முரசுமோட்டை, Vancouver, Canada, Mississauga, Canada
19 May, 2024
