பெருந்தோட்ட தொழிலாளர்களின் அடிப்படை சம்பளம்! மகிழ்ச்சியுடன் நன்றி தெரிவித்த மக்கள்

Ceylon Workers Congress Manusha Nanayakkara Ranil Wickremesinghe Senthil Thondaman Money

By Shadhu Shanker Sep 10, 2024 03:30 PM GMT

Shadhu Shanker

in சமூகம்

Report

புதிய இணைப்பு

அடிப்படை நாளாந்த சம்பளம் 1350 ரூபாவினை பெற்றுக்கொடுத்த இ.தொ.கா விற்கு பெருந்தோட்ட மக்கள் மகிழ்ச்சியுடன் நன்றி தெரிவித்துள்ளனர்.

கடந்த ஒகஸ்ட் மாதம் 12ம் திகதி சம்பள நிர்ணய சபையில் இடம்பெற்ற கலந்துரையாடலின்படி பெருந்தோட்ட தொழிலாளர்களுக்கு அடிப்படை நாளாந்த சம்பளம் 1350ரூபாவும், உற்பத்திற்கான ஊக்குவிப்பு கொடுப்பனவாக 350ரூபாவும் வழங்குவதாக தீர்மானம் எட்டப்பட்டு வர்த்தமானி வெளியிடப்பட்டிருந்தது.

அந்தவகையில் வெளியிடப்பட்ட வர்த்தமானியை உறுதிப்படுத்தி, இன்று இடம்பெற்ற கலந்துரையாடலின்படி நாளாந்த அடிப்படை சம்பளமாக 1350ரூபாவும், மேலதிக கிலோ ஒன்றுக்கு 50ரூபாவும் வழங்குவதாக பெருந்தோட்ட கம்பனிகள் உறுதியளித்துள்ளது.

மகிழ்ச்சியில் மக்கள்

மேலும் உற்பத்தி திறனுக்கான 350ரூபா தொடர்பான கலந்துரையாடல் இடம்பெற்று வருகின்றன.

பெருந்தோட்ட தொழிலாளர்களின் அடிப்படை சம்பளம்! மகிழ்ச்சியுடன் நன்றி தெரிவித்த மக்கள் | Basic Salary For Workers Raised To 1350

மேலும் இந்த 1350 ரூபாய் நாட்சம்பளத்தை பெற்றுக்கொடுத்த அமைச்சர் ஜீவன் தொண்டமான் உற்பட அனைவருக்கும் மக்கள் தமது நன்றிகளை தெரிவித்துக்கொண்டார்கள்.

1350ரூபா பெற்றுக்கொடுத்த இலங்கை தொழிலாளர் காங்கிரஸினால் மேலதிகமான 350ரூபாவினை பெற்றுக்கொடுப்பது பெரிய விடயமல்ல. எனவே விரைவில் அதனையும் இ.தொ.கா பெற்றுக்கொடுக்கும் என நம்பிக்கையுடன் மக்கள் கருத்து தெரிவித்திருந்தனர்.

முதலாம் இணைப்பு

பெருந்தோட்ட தொழிலாளர்களுக்கு இன்று முதல் கட்டாயமாக 1350 ரூபாய் அடிப்படை சம்பளமாக வழங்க நடவடிக்கை மேற்கொண்டவர்களுக்கு செந்தில் தொண்டமான் (Senthil Thondaman) நன்றி தெரிவித்துள்ளார்.

பெருந்தோட்ட தொழிலாளர்களுக்கு இன்று முதல் (10) கட்டாயமாக 1350 ரூபாய் அடிப்படை சம்பளம் வழங்கப்பட்டுள்ளது.

அதற்கமைய, பெற்றுக்கொடுக்க நடவடிக்கை மேற்கொண்ட ஜனாதிபதி ரணில் விக்ரமசிங்க (Ranil Wickremesinghe), முன்னாள் தொழில் அமைச்சர் மனுஷ நாணயக்கார (Manusha Nanayakkara) ஆகியோருக்கே அவர் நன்றி தெரிவித்துள்ளார்.

1350 ரூபாய் அடிப்படை சம்பளம்

இன்றைய தினம் தொழிலாளர்களுக்கு அடிப்படை சம்பளமாக 1350 ரூபாய் வழங்கப்பட்டுள்ள நிலையில், மிகுதி 350 ரூபா பேச்சுவார்த்தைகளின் ஊடாக பெற்றுக் கொடுக்கப்படும் எனவும் செந்தில் தொண்டமான் தெரிவித்துள்ளார்.

பெருந்தோட்ட தொழிலாளர்களின் சம்பளத்தை பெற்றுக்கொடுக்க ஒத்துழைப்பு வழங்கிய இலங்கை தொழிலாளர் காங்கிரசின் (Ceylon Workers' Congress) உறுப்பினர்களுக்கும் அவர் நன்றி தெரிவித்துள்ளார்.

அதன் பிரகாரம் இன்று முதல் 1350 ரூபாய் அடிப்படை சம்பளம் வழங்க பெருந்தோட்ட கம்பனிகள் இணக்கம் தெரிவித்துள்ளமை குறிப்பிடத்தக்கது.