மட்டக்களப்பில் அடித்து நொறுக்கப்பட்ட வயோதிபரின் வீடு: தப்பியோடிய சந்தேகநபர்கள்!
மட்டக்களப்பில் வயோதிபர் ஒருவரின் வீடு அடித்துச் சேதப்படுத்தப்பட்டுள்ளது.
சம்பவம் தொடர்பில் மேலும் தெரியவருகையில், கடந்த சில தினங்களுக்கு முன்னர் நொச்சிமுனை பகுதியில் உள்ள ஆலயம் ஒன்றில் இரு குழுக்களுக்கிடையே மோதல் ஏற்பட்டுள்ளது.
இதன்போது அங்கிருந்த முதியவர் ஒருவர் ஆலயத்தில் சண்டை பிடிக்கக் கூடாது எனத் தெரிவித்து மோதலைத் தடுத்தபோது அவர் கீழே வீழ்ந்து தலையில் காயம் ஏற்பட்டுள்ளது.
கூரிய ஆயுதங்கள்
குறித்த முதியவரின் வீடு, நொச்சிமுனை இசை நடனக் கல்லூரி வீதியில் உள்ளதாகத் தெரிவிக்கப்படுகின்றது.
சம்பவத்தினத்தன்று முதியவர் மற்றும் அவரது மனைவி வீட்டைப் பூட்டிவிட்டுச் சமுர்த்தி காரியாலயத்திற்குச் சென்றுள்ளனர்.
இதன்போது கூரிய ஆயுதங்களுடன் மோட்டார் சைக்கிளில் அங்கு சென்ற இருவர், வீடு பூட்டியிருந்ததையடுத்து மதில் மேலால் குதித்து வீட்டின் கதவை உடைத்து, ஜன்னல் மற்றும் அலமாரிகளின் கண்ணாடிகளை உடைத்து வீட்டைச் சேதப்படுத்திவிட்டுத் தப்பியோடியுள்ளனர்.
இதையடுத்து வீடு திரும்பியவர்கள், வீடு உடைத்துச் சேதப்படுத்தப்பட்டிருப்பதைக் கண்டு காவல்துறையினருக்கு அறிவித்ததையடுத்து காவல்துறையினர் சம்பவ இடத்திற்குச் சென்று விசாரணைகளை மேற்கொண்டுள்ளனர்.
பல முறைப்பாடுகள்
பின்னர் வீதிகளில் உள்ள வீடுகளில் பொருத்தியிருந்த சிசிடிவி (CCTV) கேமராக்களில் பதியப்பட்டிருந்த காட்சிகள் மூலம் குறித்த நபர்களை அடையாளம் கண்ட காவல்துறையினர், அவர்கள் தலைமறைவாகியுள்ளதாகத் தெரிவித்துள்ளனர்.
இது தொடர்பான விசாரணைகளைக் காத்தான்குடி காவல்துறையினர் மேற்கொண்டு வருகின்றனர்.
இதேவேளை இந்த நபர்கள் அந்தப் பகுதியில் கசிப்பு மற்றும் போதைப்பொருள் வியாபாரத்தில் ஈடுபட்டு வருபவர்கள் எனவும் இவர்கள் பல தடவைகள் காவல்துறையினரால் கைது செய்யப்பட்டுப் பிணையில் வெளிவந்துள்ளவர்கள் எனவும் இவர்கள் தொடர்ந்து அந்தப் பகுதியில் வாள்களுடன் அட்டகாசத்தில் ஈடுபட்டு வருவதாகவும் தெரிவிக்கப்படுகின்றது.
மேலும் இதனால் மக்கள் அச்சமடைந்துள்ளதாகவும் இது தொடர்பாகக் காவல்துறையினருக்குப் பல முறைப்பாடுகள் தெரிவித்தும் இவர்களுக்கு எதிராகக் காவல்துறையினர் நடவடிக்கை எடுக்கவில்லை என அந்தப் பகுதி மக்கள் கடும் விசனம் தெரிவித்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
அரியாலை, கொழும்பு, Georgetown, Guyana, Edgware, United Kingdom
17 Jun, 2025
புங்குடுதீவு 10ம் வட்டாரம், புங்குடுதீவு, கொழும்பு, Brampton, Canada
13 Jun, 2026
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
கொழும்புத்துறை, Vaddukoddai, Reggio Emilia, Italy, Slough, United Kingdom
07 Jun, 2026
