மட்டக்களப்பு நகரில் சர்ச்சைக்குள்ளான 400 வருடங்கள் பழமை வாய்ந்த மரத்தை வெட்ட அனுமதி!
மட்டக்களப்பு நகரில் சர்ச்சைக்குள்ளான 400 வருடங்கள் பழமை வாய்ந்த மரம் பல சர்ச்சைக்குள் மத்தியில் இன்று(16) வெட்டி வீழ்த்தப்பட்டது.
மட்டக்களப்பு நகரில் ஒல்லாந்தர் காலத்தில் நாட்டப்பட்டதாக கூறப்படும் 400 வருடங்கள் பழமை வாய்ந்த மரம் அண்மை காலமாக பல சர்ச்சைக்குள்ளான நிலையில் காணப்பட்டது.
அச்சுறுத்தலாக காணப்பட்ட மரம்
பாடசாலை மாணவர்கள் பொதுமக்கள் ,பள்ளிவாசல் தொழுகைக்கு வருபவர்களுக்கு மத்தியில் அச்சுறுத்தலாக காணப்பட்ட மரம் பொதுமக்களின் வேண்டுகோளுக்கு இணங்க இன்று வெட்டப்பட்டது.
குறித்த மரம் தொடர்பாக பொதுமக்கள் முன் வைக்கப்பட்ட கோரிக்கைக்கு அமைய மாவட்ட அரசாங்க அதிபர் பிரதேச செயலாளர் மற்றும் வீதி அபிவிருத்தி அதிகார சபை ஆகியோரின் உரிய அனுமதியுடன் பல சர்ச்சைக்கு மத்தியில் இன்று விதி அபிவிருத்தி அதிகார சபை மற்றும் இலங்கை அரச மரக்கூட்டுதாபணம் ஆகியோரின் ஒத்துழைப்புடன் குறித்த சர்ச்சைக்குரிய மரம் வெட்டி வீழ்த்தப்பட்டது குறிப்பிடத்தக்கது.
