இசையுலகில் ஈடுசெய்ய முடியாத இழப்பு : பவதாரணியின் மறைவிற்கு தமிழக முதல்வர் இரங்கல்
இளையராஜாவின் மகளும், பின்னணி பாடகருமான பவதாரணியின் மறைவு இசையுலகில் ஈடுசெய்ய முடியாத இழப்பை ஏற்படுத்திவிட்டதாக தமிழக முதலமைச்சர் மு.க ஸ்டாலின் தனது இரங்கலில் தெரிவித்துள்ளார்.
இசைஞானி இளையராஜாவின் மகளும் பிரபல பின்னணி பாடகருமான பவதாரணி(47) இலங்கைக்கு புற்று நோய்க்கான ஆயுர்வேத சிகிச்சைக்கு சென்று இருந்த நிலையில் வியாழக்கிழமை மாலை 5.20 மணியளவில் உடல்நலக்குறைவு காரணமாக உயிரிழந்துள்ளார்.
உடல் வெள்ளிக்கிழமை மாலை சென்னை
இவரின் உடல் வெள்ளிக்கிழமை மாலை சென்னை கொண்டுவரப்படும் என தகவல் வெளியாகியுள்ளது.
இந்நிலையில் இளையராஜாவின் மகளும், பின்னணி பாடகருமான பவதாரணியின் மறைவுக்கு தமிழக முதலமைச்சர் மு.க ஸ்டாலின் இரங்கல் தெரிவித்துள்ளார்.
இது தொடர்பாக அவர் X தளத்தில் பதிவிட்டுள்ள இரங்கல் செய்தியில்,
"பிரபல பின்னணி பாடகியும் இசைஞானியின் அன்பு மகளுமான பவதாரணி அவர்களின் அகால மரணத்தால் அதிர்ச்சியும் வேதனையும் அடைந்தேன். இசை மேதைகள் நிறைந்த குடும்பத்தில் பிறந்த பவதாரிணி, தன்னுடைய தேனினும் இனிய குரல்வளத்தால் ரசிகர்கள் மத்தியில் தனியிடம் பிடித்தார்.
இசையுலகில் எத்தனையோ சாதனைகள் செய்திருக்க வேண்டிய
இன்னும் பல்லாண்டுகள் வாழ்ந்து இசையுலகில் எத்தனையோ சாதனைகள் செய்திருக்க வேண்டிய பவதாரிணின் திடீர் மறைவு இசையுலகில் ஈடுசெய்தற்கரிய இழப்பு.
"பிரபல பின்னணிப் பாடகியும் இசைஞானியின் அன்பு மகளுமான பவதாரிணி அவர்களின் அகால மரணத்தால் அதிர்ச்சியும் வேதனையும் அடைந்தேன்.
— CMOTamilNadu (@CMOTamilnadu) January 25, 2024
தனது பாசமகளை இழந்து துடிக்கும் @ilaiyaraaja அவர்களுக்கும், பவதாரணி அவர்களின் சகோதரர்கள் @thisisysr, கார்த்திக் ராஜா உள்ளிட்ட குடும்பத்தினருக்கும்… pic.twitter.com/0xHSgbmsJ9
தனது பாச மகளை இழந்து துடிக்கும் இளையராஜா அவர்களுக்கும், பவதாரணியின் சகோதரர்கள் யுவன் சங்கர் ராஜா, கார்த்திக் ராஜா உள்ளிட்ட குடும்பத்தினருக்கும் திரையுலகினருக்கும் ரசிகர்களுக்கும் எனது ஆழ்ந்த இரங்கல்" என முதலமைச்சர் மு.க ஸ்டாலின் தெரிவித்துள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள் |
புங்குடுதீவு 12ம் வட்டாரம், புங்குடுதீவு, கொக்குவில், Leverkusen, Germany
28 Apr, 2025
புங்குடுதீவு 10ம் வட்டாரம், புங்குடுதீவு 12ம் வட்டாரம், Toronto, Canada
17 Apr, 2025
மலேசியா, Malaysia, உடுப்பிட்டி, New Malden, United Kingdom
29 Apr, 2025
வல்வெட்டித்துறை கம்பர்மலை, பரந்தன், London, United Kingdom
11 Apr, 2025
புங்குடுதீவு 12ம் வட்டாரம், புங்குடுதீவு, கொழும்பு, London, United Kingdom
24 Apr, 2025
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024