இளம் ஊடகவியலாளர் பிரகாஸின் நினைவு தினத்தை முன்னிட்டு யாழில் இரத்ததான முகாம்!

COVID-19 Jaffna Sri Lanka Journalists In Sri Lanka

By Shadhu Shanker Sep 03, 2023 05:27 AM GMT

Shadhu Shanker

in சமூகம்

Report

யாழ்ப்பாணத்தில் இளம் ஊடகவியலாளரான ஞானப்பிரகாசம் பிரகாஸின் இரண்டாம் ஆண்டு நினைவு தினத்தையொட்டி இரத்ததான முகாமொன்று நடைபெற்றது.

குறித்த இரத்த தான முகாமானது, இன்று (03.08.2023) பிரகாஸினுடைய நண்பர்களின் ஏற்பாட்டில் சாவகச்சேரி இந்துக் கல்லூரியில் இடம்பெற்றுள்ளது.

யாழ்ப்பாணம் கொடிகாமத்தைச் சேர்ந்த பிரகாஸ் தனது ஏழாவது வயதில் தசைத்திறன் குறைபாடு (Muscular Dystrophy) நோயினால் பாதிக்கப்பட்டதால் நடக்க முடியாத நிலை ஏற்பட்டுள்ளது.

இந்நிலையில், தரம் ஐந்துடன் தனது பாடசாலை கல்வியை இடைநிறுத்திக்கொண்ட பிரகாஸ்,அவற்றை எல்லாம் தாண்டி ஊடக துறையில் தனக்கென்று ஒரு இடத்தினை தக்க வைத்திருந்தவர்.

கொரோனாத் தொற்று

இளம் ஊடகவியலாளர் பிரகாஸின் நினைவு தினத்தை முன்னிட்டு யாழில் இரத்ததான முகாம்! | Blood Camp On The Young Journalist Memorial Day

இவர், சுயாதீன ஊடகவியலாளராக யாழில் இருந்து வெளிவரும் பத்திரிகைகளுக்கு, கட்டுரைகள், செய்திகள் எழுதி வந்ததுடன், உள்நாட்டு, வெளிநாட்டு இணையத்தளங்களும் செய்திகளையும் கட்டுரைகளையும் எழுதி வந்தார்.

அதேவேளை, சில இணையத்தளங்களில் செய்தி பதிவேற்றுனராகவும் கடமையாற்றி வந்தார்.

இந்தநிலையில் கடந்த 2021 செப்டம்பர் 2ம் திகதி கொரோனாத் தொற்றுக்குள்ளாகி உயிரிழந்தார் என்பது குறிப்பிடத்தக்கது.