கனடாவில் நிதி திரட்டிய மர்ம நபர்! மக்களுக்கு விடுக்கப்பட்ட எச்சரிக்கை
கனடாவின் ரொறன்ரோவில் SickKids என்ற அமைப்பின் சார்பில் வீடு தோறும் நிதி திரட்டிய நபர் போலி என்றும், அவரை அடையாளம் காண உதவ வலியுறுத்தியும் காவல்துறையினர் புகைப்படம் வெளியிட்டுள்ளனர்.
ரொறன்ரோ காவல்துறை சேவை அதிகாரிகள் வெளியிட்டுள்ள தகவலில், 2023 நவம்பர் மாதத்தில் இருந்தே தொடர்புடைய நபர் SickKids அமைப்பின் சார்பாக நிதி திரட்டுவதாக கூறி ரொறன்ரோவில் பல வீடுகளுக்கு சென்றுள்ளார்.
மட்டுமின்றி, உண்மையான SickKids அமைப்பின் உறுப்பினர் போன்று அவர் உடை அணிந்து, அடையாள அட்டையுடன் காணப்பட்டுள்ளதாகவும் தொடர்புடைய அமைப்பின் சார்பில் நிதி கோரியுள்ளதாகவும் குறிப்பிட்டுள்ளனர்.
நிதியுதவி
அந்த நபர் உண்மையில் SickKids அமைப்பினை சார்ந்தவர் அல்லர் என்றும், அவர் போலி என்றும் அதிகாரிகள் தெரிவித்துள்ளனர்.
ஜனவரி மாதம் இது தொடர்பில் எச்சரிக்கை விடுத்துள்ளதாகவும், ஆனால் தற்போது புகைப்படம் வெளியிட்டு, பொதுமக்களுக்கு அறிவுறுத்தப்பட்டுள்ளதாகவும் தெரிவித்துள்ளனர்.
அந்த நபர் இனி ஏதேனும் குடியிருப்புகளில் அல்லது பொதுமக்கள் அந்த நபரை எங்கேனும் அடையாளம் காண நேர்ந்தால், அவரினை அணுகாமல் காவல்துறையினருக்கு தகவல் அளிக்கவும் கோரியுள்ளனர்.
SickKids அமைப்பானது நிதியுதவி கோரி பொதுமக்களை நாடவில்லை என்றும், குடியிருப்புகளுக்கு உறுப்பினர்களை அனுப்பவில்லை என்றும் விளக்கமளிக்கப்பட்டுள்ளது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
