யாழில் கேப்டன் விஜயகாந்திற்கு அஞ்சலி (படங்கள்)
மறைந்த திரைப்பட நடிகரும் , தேசிய முற்போக்கு திராவிட கழகத்தின் தலைவருமான , கேப்டன் விஜயகாந்திற்கு யாழ்ப்பாணத்தில் அஞ்சலி செலுத்தப்பட்டுள்ளது.
தே.மு.தி.க தலைவரும் நடிகருமான விஜயகாந் நேற்று(28) உடல்நலக் குறைவால் காலமானார்.
விஜயகாந்த் உடல்நலக்குறைவின் காரணமாக கடந்த சில ஆண்டுகளாக அவதிப்பட்டு வந்த நிலையில் கடந்த மாதம் விஜயகாந்த் உடல்நல பின்னடைவு காரணமாக சென்னை மியாட் மருத்துவமனையில் அனுமதிக்கப்பட்டார்.
சோகத்தில் ஆழ்த்திய மரணம்
அவருக்கு மூச்சு விடுவதில் சிரமம் இருந்ததை அடுத்து, அவருக்கு செயற்கை சுவாசம் பொறுத்தப்பட்டு தீவிர சிகிச்சை பிரிவில் சிகிச்சையின் பூரண குணமடைந்து வீடு திரும்பினார்.
மீண்டும் நேற்று முன் தினம்(27) வைத்தியசாலையில் அனுமதிக்கப்பட்டிருந்தார்.
இந்நிலையில், சிகிச்சை பலனின்றி போக உயிரிழந்துள்ளார். இவரின் இழப்பு அனைவரையும் சோகத்தில் ஆழ்த்தியுள்ளது.
விஜயகாந்திற்கு யாழ்ப்பாணத்தில் அஞ்சலி
அவருக்கு அரசியல் தலைவர்களும், திரைதுறையினரும் மக்களும் அஞ்சலி செலுத்தி வருகின்றனர்.
இந்நிலையில் யாழ்ப்பாணத்தில் பொன்னாலை, மூளாய் போன்ற பகுதிகளில் விஜய்காந்த் ரசிகர்களால் கண்ணீர் அஞ்சலி பதாகைகள் கட்டப்பட்டுள்ளன.
விஜயகாந்தின் உடல் அரச மரியாதையுடன் சென்னை கோயம்பேட்டில் உள்ள கட்சி அலுவலக வளாகத்தில் நல்லடக்கம் செய்யப்பட இருப்பதாக அறிவிக்கப்பட்டுள்ளது குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
சுழிபுரம் மேற்கு, London, United Kingdom
21 Apr, 2024
வேலணை கிழக்கு, Cambridge, United Kingdom, கொலம்பஸ், United States
17 Apr, 2019
களுதாவளை, சாவகச்சேரி, மட்டக்களப்பு, London, United Kingdom
14 Apr, 2021
