லொஹான் ரத்வத்த மற்றும் மனைவி மீண்டும் விளக்கமறியலில்

Lohan Ratwatte Colombo National Hospital Luxury Cars

By Sathangani Nov 07, 2024 07:27 AM GMT

Sathangani

in சட்டம் மற்றும் ஒழுங்கு

Report

புதிய இணைப்பு

முன்னாள் இராஜாங்க அமைச்சர் லொஹான் ரத்வத்த மற்றும் அவரது மனைவி ஆகியோரின் விளக்கமறியல் காலம் நீடிக்கப்பட்டுள்ளது.

இன்று (07) அவர்கள் நுகேகொட நீதவான் நீதிமன்றில் முன்னிலைப்படுத்தப்பட்ட போது இந்த உத்தரவு பிறப்பிக்கப்பட்டது.

அதன்படி, எதிர்வரும் 18 ஆம் திகதி வரை அவர்களை விளக்கமறியலில் வைக்குமாறு நீதவான் உத்தரவிட்டுள்ளார்.

முதலாம் இணைப்பு

விளக்கமறியலில் வைக்கப்பட்டுள்ள முன்னாள் இராஜாங்க அமைச்சர் லொஹான் ரத்வத்த (Lohan Ratwatte) மற்றும் அவரது மனைவிக்கு எதிரான வழக்கு இன்று (07) விசாரணைக்கு எடுத்துக்கொள்ளப்படவுள்ளது.

இந்த நிலையில் லொஹான் ரத்வத்தவும் அவரது மனைவியும் இன்று (7.11.2024) நுகேகொட நீதவான் நீதிமன்றில் முன்னிலைப்படுத்தப்பட்டுள்ளனர்.

சட்டவிரோதமான முறையில் வெளிநாட்டில் இருந்து இறக்குமதி செய்யப்பட்டு இலங்கையில் ஒன்றிணைக்கப்பட்ட சொகுசு காரை பயன்படுத்திய குற்றச்சாட்டில் குறித்த இருவரும் கைது செய்யப்பட்டனர்.

கொழும்பு தேசிய வைத்தியசாலை

கடந்த ஒக்டோபர் 31ஆம் திகதி லொஹான் ரத்வத்தகே கைது செய்யப்பட்டு பின்னர் இன்று வரை விளக்கமறியலில் வைக்கப்பட்டார்.

லொஹான் ரத்வத்த மற்றும் மனைவி மீண்டும் விளக்கமறியலில் | Case Hearing Against Lohan Ratwatte And His Wife

விளக்கமறியலில் வைக்கப்பட்டிருந்த லொஹான் ரத்வத்த, நவம்பர் 2ஆம் திகதி சிறைச்சாலை வைத்தியசாலைக்கு மாற்றப்பட்ட நிலையில் அங்கு அவருக்கு விசேட பாதுகாப்பு வழங்கப்பட்டிருந்தது.

அத்துடன், நவம்பர் 3 ஆம் திகதி லொஹான் ரத்வத்த திடீர் நோய் நிலைமை காரணமாக கொழும்பு தேசிய வைத்தியசாலைக்கு மாற்றப்பட்டிருந்த நிலையில் அங்கு அவசர சிகிச்சைப் பிரிவில் சிகிச்சை பெற்று வந்த அவர், பின்னர் பொது விடுதிக்கு மாற்றப்பட்டு சிறைச்சாலை அதிகாரிகளின் பாதுகாப்பில் இருந்தார்.

சொகுசு கார் விவகாரம்

இதேவேளை, கார் சம்பவம் தொடர்பில் கடந்த 04ஆம் திகதி கங்கொடவில நீதிமன்றத்தில் முன்னிலையான லொஹான் ரத்வத்தவின் மனைவி ரஷி பிரபா ரத்வத்தவையும் இன்று (07) வரை விளக்கமறியலில் வைக்குமாறு உத்தரவிடப்பட்டுள்ளது.

லொஹான் ரத்வத்த மற்றும் மனைவி மீண்டும் விளக்கமறியலில் | Case Hearing Against Lohan Ratwatte And His Wife

சம்பவம் தொடர்பில் பல தடவைகள் மிரிஹான காவல் நிலையத்தில் முன்னிலையாகி வாக்குமூலமொன்றை வழங்குமாறு அவருக்கு அறிவிக்கப்பட்டிருந்ததாக தெரிவிக்கப்படுகின்றது.