சீனா கிராஃபைட் ஏற்றுமதி கட்டுப்பாடு : வாகன உற்பத்தியாளர்களின் நிலை என்ன!

United States of America China

By Beulah Oct 22, 2023 02:48 PM GMT

Beulah

in உலகம்

Report

உலகிற்கு தேவைப்படும் கிராஃபைட் உற்பத்தியில் 65 சதவீதத்திற்கும் அதிகமான பங்கு சீனாவிலிருந்துதான் கிடைக்கிறது. இந்நிலையில், கிராஃபைட் ஏற்றுமதிக்கு சீனா பலவிதமான கட்டுப்பாடுகளை விதித்துள்ளது.

கிராஃபைட் என்பது ஒரு விதமான மூலப்பொருளாகும். மின்சார வாகனங்கள், கையடக்க தொலைபேசிகள் உள்ளிட்ட பொருட்களின் உற்பத்திக்கான மூலப்பொருளாக இதனை பயன்படுத்துகின்றனர்.

அண்மையில், அமெரிக்கா செயற்கை நுண்ணறிவை பயன்படுத்தும் தொழில்நுட்பங்களுக்கு அவசிய தேவையான செமிகண்டக்டர்களை வெளிநாடுகளுக்கு ஏற்றுமதி செய்வதற்கு பலவித கட்டுப்பாடுகளை விதித்திருக்கிறது.

தேசிய பாதுகாப்பு

இத்துறையில் சீனா நுழைவதை தடுக்கும் விதமாக இத்தகைய கட்டுப்பாடுகள் விதிக்கப்பட்டுள்ளதாக தகவல்கள் தெரிவிக்கின்றன.

சீனா கிராஃபைட் ஏற்றுமதி கட்டுப்பாடு : வாகன உற்பத்தியாளர்களின் நிலை என்ன! | China Imposes Export Curbs On Graphite

இதனை கருத்திற் கொண்டே சீனா மேற்கண்டவாறான ஏற்றுமதி கட்டுப்பாடுகளை விதித்துள்ளது.

தன் நாட்டிலிருந்து கிராஃபைட் மூலப்பொருள் அமெரிக்காவிற்கு ஏற்றுமதி செய்யப்பட கூடாதென்பதே அதன் பிரதான நோக்கமாகும்.

இதுகுறித்து சீன வர்த்தக துறை தெரிவிக்கையில்,

“தேசிய பாதுகாப்பு மற்றும் தேச நலனுக்காக 2 வகையான கிராஃபைட்களை ஏற்றுமதி செய்ய சீன ஏற்றுமதியாளர்கள் இனி அரசாங்கத்திடம் அனுமதி பெற வேண்டும்.

இந்த கொள்கை மாற்றம் எந்த குறிப்பிட்ட தேசத்தையும் குறி வைத்து கொண்டு வரப்படவில்லை.” என தெரிவித்துள்ளது.

வாகன தயாரிப்பு

அரசு அனுமதியை கோரும் போது எந்த நாடுகளுக்கு அவை செல்கின்றன என்பதை சீனா தீவிரமாக கண்காணிக்க முடியும்.

வாகன தயாரிப்பு நிறுவனங்கள் மின்சார வாகன உற்பத்தியை அதிகரித்து வருகின்றன.

அவற்றில் உள்ள பேட்டரிகளுக்கு தேவைப்படும் முக்கிய மூலப்பொருளான கிராஃபைட்டின் உற்பத்தி தன் வசம் உள்ளதால் சீனா இந்த அதிரடி நடவடிக்கையை எடுத்துள்ளது.

இந்நிலையில், வேறு நாடுகளில் கிராஃபைட் கிடைக்கும் வரை சீனாவின் இந்த நடவடிக்கை கண்டிப்பாக மாற்று எரிசக்தி துறையில் அந்நாட்டின் ஆதிக்கம் அதிகரிக்கவே வழி செய்யும் என பொருளாதார நிபுணர்கள் கருத்து தெரிவிக்கின்றனர்.