சீன இளைஞரின் வைரல் காணொளி - பழைய சிம் அட்டைகளில் இருந்து தங்கம்
சீனாவைச் சேர்ந்த நபர் ஒருவர், பழைய சிம் அட்டைகளில் (SIM cards) இருந்து தங்கத்தை எவ்வாறு பிரித்தெடுப்பது என்பதைக் காட்டியது பெரும் கவனத்தை ஈர்த்துள்ளது.
இந்தச் செயல்முறை ஆபத்தானது என்றும், சாதாரண மக்கள் இதனை முயற்சி செய்யக்கூடாது என்றும் அந்த நபர் எச்சரித்துள்ளதாக சர்வதேச ஊடகம் ஒன்று செய்தி வெளியிட்டுள்ளது.
குவாங்டாங் மாகாணத்தின் ஹுய்ஜோவைச் சேர்ந்த 'கியாவ்' (Qiao) எனப்படும் இவர், பழைய கழிவுப் பொருட்களிலிருந்து விலையுயர்ந்த உலோகங்களைப் பிரித்தெடுத்து சுத்திகரிக்கும் பணியைச் செய்து வருகிறார்.
வெறும் சிம் அட்டைகள்
அந்த வீடியோவில், கியாவ் பழைய சிம் அட்டைகளை வேதிப்பொருட்கள் நிறைந்த உருளைகளில் போடுகிறார். அரிப்பு (corrosion), இடமாற்றம் மற்றும் வெப்பப்படுத்துதல் போன்ற பல நிலைகளுக்குப் பிறகு, அவர் தங்கம் போன்ற ஒரு சேற்றைப் பிரித்தெடுத்தார்.
அதனைச் சலித்து, சூடுபடுத்திய பிறகு, அவருக்கு 191 கிராம் தங்கம் கிடைத்தது. இதன் மதிப்பு சுமார் 200,000 யுவான் ஆகும்.
இந்தத் தங்கத்தைப் பெறுவதற்கு அவர் சுமார் இரண்டு டன் கழிவுப் பொருட்களைப் பயன்படுத்தியதாக தெரிவிக்கப்படுகிறது.
அந்த கழிவுகள் வெறும் சிம் அட்டைகள் மட்டுமல்ல, தொலைத்தொடர்பு மின்னணுத் துறையின் பல்வேறு சிப் (chip) கழிவுகளின் கலவை என்றும் அவர் தெளிவுபடுத்தினார்.
சிம் அட்டைகளின் ஆயுள் மற்றும் அரிப்பைத் தாங்கும் திறனை உறுதி செய்வதற்காக, அவற்றின் முக்கிய பகுதிகளில் தங்கப் பூச்சு பூசப்பட்டிருப்பதாக அவர் விளக்கினார்.
இது மிகவும் ஆபத்தானது
தன்னுடைய காணொளி "ரசவாதம்" (alchemy) செய்வதை ஊக்குவிப்பதற்காக அல்ல என்று கியாவ் தெளிவுபடுத்தினார்.
தேவையான சான்றிதழ்களுடன் சட்டப்பூர்வமாகவே குறிப்பிட்ட வகை மின்னணு கழிவுகளைச் சுத்திகரிப்பதாகவும், தனது அறிவு மற்றும் திறமைகளைப் பகிர்ந்து கொள்வதே தனது நோக்கம் என்றும் அவர் விளக்கினார்.
சாதாரண மக்கள் இத்தகைய முயற்சிகளில் ஈடுபட வேண்டாம் என்று அவர் எச்சரித்துள்ளார்.
ஏனெனில் இது மிகவும் ஆபத்தானது மற்றும் பல சந்தர்ப்பங்களில் சட்டவிரோதமானது என்றும் அவர் குறிப்பிட்டுள்ளதாக சர்வதேச ஊடகம் செய்தி வெளியிட்டுள்ளது.
Link - https://www.youtube.com/watch?v=--Wi3GKxFHA
[AMIAMUH]
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
தமிழர் தேசத்தை உலுக்கும் வீதி விபத்துக்கள்... 2 நாட்கள் முன்
இப்போதும் அகதிகளாகிக் கொண்டே இருக்கிறோம்…!
1 வாரம் முன்
புங்குடுதீவு 11ம் வட்டாரம், புங்குடுதீவு 1ம் வட்டாரம், கொட்டாஞ்சேனை
22 Jun, 2026
யாழ் பருத்தித்துறை வராத்துப்பளை, Jaffna, புற்றளை
25 Jun, 2026
புங்குடுதீவு 5ம் வட்டாரம், ஆறுகால்மடம், பிரான்ஸ், France
24 Jun, 2026
அனலைதீவு, கொழும்பு, யாழ்ப்பாணம், Jakarta, Indonesia, சென்னை, India, Toronto, Canada
26 Jun, 2025
யாழ் மண்டைதீவு 7ம் வட்டாரம், Jaffna, மல்லாவி யோகபுரம், London, United Kingdom
23 Jun, 2026
கொக்குவில், கொக்குவில் கிழக்கு, வெள்ளவத்தை, Le Blanc-Mesnil, France
20 Jun, 2026
கோண்டாவில், யாழ்ப்பாணம், மட்டக்களப்பு, கொழும்பு, London, United Kingdom, Richmond Hill, Canada
23 Jun, 2026
