இலங்கைக்கான சீன தூதுவர் மன்னாருக்கு விஜயம்(படங்கள்)

Jaffna China Northern Province of Sri Lanka

By Shadhu Shanker Nov 07, 2023 01:02 PM GMT

Shadhu Shanker

in சமூகம்

Report

புதிய இணைப்பு

சீனாவில் உள்ள பௌத்த மக்களின் உதவியுடன் இலங்கையில் வறிய மக்களுக்கு உலருணவு பொதிகள் வழங்கும் நிகழ்வு இன்றைய தினம் செவ்வாய்க்கிழமை (7) மாலை மன்னார் வங்காலையில் இடம்பெற்றது.

மன்னார் துயர் துடைப்பு மறுவாழ்வு சங்கத்தின் ஏற்பாட்டில் இடம் பெற்ற உதவி திட்டம் வழங்கும் நிகழ்வில் சீனத் தூதுவர் கீ செங்ஹோங் கலந்து கொண்டு மன்னார் மாவட்டத்தில் தெரிவு செய்யப்பட்ட 450 மீனவ குடும்பங்களில் முதல் கட்டமாக 50 மீனவ குடும்பங்களுக்கு வழங்கி வைத்தார்.

மேற்படி உதவித் திட்டம் சீனாவின் பௌத்த சங்கம், இலங்கை மற்றும் சீன பௌத்த நட்புறவுச் சங்கம் ஊடாக வழங்கி வைக்கப்பட்டுள்ளது.

குறித்த நிகழ்வில் தெரிவு செய்யப்பட்ட மீனவ குடும்பங்கள்,தள்ளாடி இராணுவ 541 வது படைப்பிரிவு அதிகாரி,அருட்தந்தையர்கள் என பலர் கலந்து கொண்டிருந்தமை குறிப்பிடத்தக்கது.

இலங்கைக்கான சீன தூதுவர் மன்னாருக்கு விஜயம்(படங்கள்) | Chinese Ambassador To Sri Lanka Visiting Jaffna

முதல் இணைப்பு

யாழ்ப்பாண மாவட்டத்திற்கு வருகை தந்துள்ள இலங்கைக்கான சீன தூதுவர் கி ஸென் ஹொங் தலைமையிலான குழுவினர் இரண்டாம் நாளாக நயினாதீவுக்கு விஜயம் செய்துள்ளனர்.

யாழ்ப்பாண மாவட்டத்திற்கு வருகை தந்துள்ள இலங்கைக்கான சீன தூதுவர் கி ஸென் ஹொங் தலைமையிலான குழுவினர் நேற்றைய தினம்(6) நெடுந்தீவு பிரதேச மக்களுக்காக 500 உலருணவுப் பொதிகளை யாழ்ப்பாண மாவட்ட செயலகத்தில் கையளித்தனர்.

மேலும், யாழ்ப்பாணம் பழைய கச்சேரியையும் பார்வையிட்டனர்.

நயினாதீவுக்கு விஜயம்

அதனைதொடர்ந்து இரண்டாம் நாளாக நயினாதீவுக்கு விஜயம் செய்துள்ள சீன தூதுவர் தலைமையிலான குழுவினர் , நயினாதீவு நாக விகாரையில் நடந்த நிகழ்வில் தெரிவு செய்யப்பட்ட 500 குடும்பங்களுக்கு உலர் உணவுபொதிகளை வழங்கி வைத்தனர்.

இலங்கைக்கான சீன தூதுவர் மன்னாருக்கு விஜயம்(படங்கள்) | Chinese Ambassador To Sri Lanka Visiting Jaffna

இலங்கை மற்றும் சீனா பௌத்த நட்புறவு சங்கமும், சீனாவின் புத்த சங்கம் இணைந்து சீனாவில் உள்ள பௌத்த மக்களால் இலங்கையிலுள்ள வறிய மக்களுக்கான உலர் உணவுப் பொதிகளை வழங்குகின்றமை குறிப்பிடத்தக்கது.