ஆரம்பிக்கப்பட்டது கிழக்கு முனையத்தின் இரண்டாம் கட்ட பணி- விரயமாக்கப்பட்ட மக்களின் பணம்!

colombo money festival peoples sri Lanka port city wast

By Kalaimathy Jan 13, 2022 12:22 PM GMT

Kalaimathy

in இலங்கை

Report

கொழும்பு துறைமுகத்தின் கிழக்கு முனையத்தின் இரண்டாம் கட்ட நிர்மாணப் பணிகளை ஆரம்பித்து வைப்பதற்காக மக்களின் பெரும் தொகையான பணம் செலவிடப்பட்டுள்ளதாக குற்றம் சுமத்தப்பட்டுள்ளது.

அரசாங்கத்தின் இந்த நடவடிக்கையானது வீட்டுக்கு அறை ஒன்றை நிர்மாணித்து அதனை திறக்க பெரிய வைபவத்தை நடத்தி, இரண்டாவது அறையை திறக்க பெரும் தொகையை செலவிட்டது போன்றது எனவும் விமர்சனம் வெளியிடப்பட்டுள்ளது.

இது தொடர்பில் மேலும் தெரியவருகையில்,

கிழக்கு முனையத்தின் இரண்டாம் கட்ட நிர்மாணப் பணிகளை ஆரம்பிப்பதற்காக ஒழுங்கு செய்யப்பட்ட வைபவத்திற்காக சிறிலங்கா அரசாங்கம் ஒரு கோடி ரூபாவுக்கும் மேல் பணத்தை விரயமாக்கியுள்ளதாக அகில இலங்கை துறைமுக பொது ஊழியர் சங்கத்தின் பிரதான செயலாளர் நிரோஷன கொரகான தெரிவித்துள்ளார்.

கொழும்பு துறைமுகத்தின் கிழக்கு முனையத்தில் கட்டுமானப் பணிகள் முடிவடைந்துள்ள, 440 மீற்றர் பரப்பளவை மேலும் அதிகரிக்கும் நோக்கில் ஆரம்பிக்கப்பட்டுள்ள நிர்மாணிப்பணிகளுக்கு வைபவம் ஒன்றை நடத்தியது முற்றிலும் தேவையற்ற நடவடிக்கை எனவும் அவர் தெரிவித்துள்ளார்.

இதற்காக அரசாங்கம் மக்களின் பணத்தையே அதிகளவில் விரயமாக்கியுள்ளது எனவும் விசனம் வெளியிட்டுள்ளார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்