பதவி உயர்வுக்கு இடையூறு: சிறைக்காவலரை கொல்ல பெண் கைதியுடன் ஒப்பந்தம்
காலி (galle)சிறைச்சாலையின் சிறைக்காவலர் ஒருவர் பெண் சிறைக்காவலர் ஒருவரை கொலைசெய்வதற்கான ஒப்பந்தத்தை பெண் கைதிக்கு வழங்கிய சம்பவம் தொடர்பில் விசாரணைகள் ஆரம்பிக்கப்பட்டுள்ளதாக காலி காவல்துறையினர் தெரிவித்துள்ளனர்.
காலி காவற்துறையின் சிறு முறைப்பாடுகள் திணைக்களத்திற்கு இந்த முறைப்பாடு கிடைத்துள்ளது.
சிறைக்காவலரை கொல்வதற்கான ஒப்பந்தத்தை
காலி சிறைச்சாலையில் பல்வேறு குற்றச் செயல்களில் ஈடுபட்ட பெண் ஒருவருக்கு சிறைச்சாலை அதிகாரி ஒருவர் இந்த ஒப்பந்தத்தை வழங்கியுள்ளதாக சிறைச்சாலை கண்காணிப்பாளர் காவல்துறையில் செய்த முறைப்பாட்டில் குறிப்பிடப்பட்டுள்ளது.
சிறைக்காவலரை கொல்வதற்கான ஒப்பந்தத்தை ஜெயிலர் தனக்கு வழங்கியதாக கைதி ஒருவர் மற்றொரு பெண்ணிடம் கூறினார். இதுகுறித்து சிறை கண்காணிப்பாளருக்கு தகவல் தெரிவித்ததாக காவல்துறையினர் தெரிவித்தனர்.அந்த பெண் ஒப்பந்தத்தை ஏற்கவில்லை என்றும் காவல்துறையினர் தெரிவித்தனர்.
காவல்துறையில் முறைப்பாடு
இதன்படி, சிறைச்சாலை கண்காணிப்பாளர் காலி காவல்துறையின் சிறு முறைப்பாடு பிரிவில் இது தொடர்பில் முறைப்பாடு செய்துள்ளார். சிறைச்சாலை கண்காணிப்பாளர் மற்றும் சிறைச்சாலை அதிகாரியின் வாக்குமூலங்களை பதிவு செய்து நீதிமன்றில் அறிக்கை தாக்கல் செய்துள்ளதாக காலிகாவல்துறை சிறு முறைப்பாடு பிரிவு தெரிவித்துள்ளது.
நீதிமன்ற உத்தரவைப் பெற்று சிறையில் உள்ள பெண் கைதியிடம் வாக்குமூலம் பெறப்பட்டுள்ளதாகவும் காவல்துறையினர் தெரிவித்துள்ளனர்.
பதவி உயர்வுக்கு இடையூறு விளைவித்த சம்பவம் காரணமாகவே இந்த கொலை ஒப்பந்தம் வழங்கப்பட்டுள்ளதாக காவல்துறையினர் தெரிவித்துள்ளனர். காலி சிறைச்சாலையும் இது தொடர்பான விசாரணைகளை ஆரம்பித்துள்ளதுடன், காலி காவல்துறை சிறு முறைப்பாடு பிரிவு மேலதிக விசாரணைகளை மேற்கொண்டு வருகின்றது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
