புடின் மீது கடும் விமர்சனம் - ரஷ்ய அமைச்சர் விமானத்தில் மர்ம மரணம்
உக்ரைன் போர் தொடர்பாக ரஷ்ய அதிபர் விளாடிமிர் புடினுக்கு எதிராக கருத்து வெளியிட்ட ரஷ்ய அமைச்சர் ஒருவர் பறக்கும் விமானத்தில் மர்மமாக மரணமடைந்த சம்பவம் அதிர்ச்சியை ஏற்படுத்தியுள்ளது.
ரஷ்ய ஊடுருவலுக்கு எதிராக கருத்து தெரிவிக்கும் பல முக்கியஸ்தர்கள் மர்மமான முறையில் மரணமடைவதும் அதிகரித்து வருகிறது. அந்த வரிசையில், தற்போது விளாடிமிர் புடினுக்கு எதிராக உக்ரைன் போர் தொடர்பில் கருத்து தெரிவித்த அமைச்சர் ஒருவர் மர்மமான முறையில் மரணமடைந்துள்ளார்.
விமானத்தில் திடீரென நோய்வாய்ப்பட்ட அமைச்சர்
46 வயதான Petr Kucherenko கியூபாவில் இருந்து தொழில்முறை பயணத்தை முடித்துக்கொண்டு ரஷ்யா திரும்பிய நிலையில், விமானத்தில் திடீரென நோய்வாய்ப்பட்டுள்ளார். இதனையடுத்து அவசரமாக விமானம் தரையிறக்கப்பட்டு, மருத்துவர்கள் விமான நிலையத்திலேயே சிகிச்சைக்கான ஏற்பாடுகளும் செய்துள்ளனர். ஆனால், உயிரை காப்பாற்ற முடியவில்லை என தெரிவித்துள்ளனர்.
இருதயம் தொடர்பான சிக்கல் காரணமாகவே அமைச்சர் Petr Kucherenko மரணமடைந்துள்ளதாக கூறப்படுகிறது. எனினும் புதன்கிழமை முன்னெடுக்கப்படவிருக்கும் உடற்கூற்று ஆய்வில் உண்மை காரணம் தெரியவரும் என தெரியவருகிறது.
சுமார் 40 பேர் இதுவரை மர்ம மரணம்
உக்ரைன் மீதான ரஷ்யாவின் போக்கு தொடர்பில் அமைச்சர் Petr Kucherenko கடுமையாக விமர்சித்திருந்ததாக பிரபல பத்திரிகையாளர் ஒருவர் குறிப்பிட்டுள்ளார். மேலும், கடந்த பெப்ரவரி மாதம் உக்ரைன் மீது போருக்கு புறப்படும் ஒருவாரம் முன்னர் அமைச்சர் Petr Kucherenko நாட்டைவிட்டு வெளியேறியுள்ளார். இன்னும் ஓராண்டு காலத்தில் ரஷ்யா மொத்தமாக அடையாளம் தெரியாமல் மாறக் கூடும், உங்கள் குடும்பத்தினருக்காக ரஷ்யாவில் இருந்து வெளியேறிவிடுங்கள் என அவர் தமது நெருக்கமானவர்களிடம் கூறியுள்ளதாக தெரிவிக்கப்படுகிறது.
உக்ரைன் மீதான ரஷ்யாவின் போர் தொடங்கிய பின்னர், உயர் பொறுப்புகளில் செயல்பட்ட சுமார் 40 பேர் இதுவரை மர்மமாக மரணமடைந்துள்ளனர்.
கடந்த மாதம் புடின் ஆதரவு நாடாளுமன்ற உறுப்பினரும் கோடீஸ்வரரும் பிரித்தானியாவுடன் தொடர்பில் இருந்தவருமான 77 வயது Nikolay Bortsov என்பவர் அவரது குடியிருப்பில் சடலமாக மீட்கப்பட்டார்.
உக்ரைன் போரில் புடினை ஆதரிப்பதாக கூறியே, Nikolay Bortsov மீது பிரித்தானியா பொருளாதார தடைகளை விதித்திருந்தது குறிப்பிடத்தக்கது.
சித்திரவதையின் காயங்கள் உடலில் மாத்திரம் தெரிவதல்ல…
2 நாட்கள் முன்
தமிழர் தேசத்தை உலுக்கும் வீதி விபத்துக்கள்...
6 நாட்கள் முன்
யாழ்ப்பாணம், கிளிநொச்சி, கண்டி, Woodbridge, Canada
28 Jun, 2026
நெடுந்தீவு, யோகபுரம், டென்மார்க், Denmark, ஜேர்மனி, Germany, Coventry, United Kingdom
13 Jul, 2025
புங்குடுதீவு 1ம் வட்டாரம், வேலணை மேற்கு, வேலணை வடக்கு, London, United Kingdom
27 Jun, 2026
கரவெட்டி, வெள்ளவத்தை, குருநாகல், புத்தளம், மட்டக்களப்பு, அநுராதபுரம்
02 Jul, 2025
Kuala Lumpur, Malaysia, உடுவில், கொழும்பு, Toronto, Canada
30 Jun, 2026
Negeri Sembilan, Malaysia, சுன்னாகம், யாழ்ப்பாணம், Wembley, United Kingdom, Gaborone, Botswana
30 Jun, 2021
புங்குடுதீவு 5ம் வட்டாரம், ஆறுகால்மடம், பிரான்ஸ், France
24 Jun, 2026