சிஎஸ்கே - ஆர்சிபி போட்டிகள்: வைரலாகும் அஸ்வினின் பதிவு
Shadhu Shanker
in கிரிக்கெட்
ஐபிஎல் போட்டிகள் ஆரம்பமாகவுள்ள நிலையில் சிஎஸ்கே - ஆர்சிபி போட்டி தொடர்பில் இந்திய கிரிக்கெட் வீரர் ரவிசந்திரன் அஸ்வின் எக்ஸ் தளத்தில் பதிவிட்ட பதிவு வைரலாகி வருகிறது.
சிஎஸ்கே - ஆர்சிபி அணிகளுக்கு இடையிலான போட்டிகள் மார்ச் 22 ஆம் திகதி நடைபெறவுள்ளன.
இந்த இருபோட்டிகள் மட்டுமில்லாது ஐபிஎல் தொடருக்கான தொடக்க விழாவும் சேப்பாக்கம் மைதானத்தில் நடக்கவுள்ளதால் பலத்த எதிர்பார்ப்பு உள்ளது.
சிஎஸ்கே - ஆர்சிபி அணிகள்
இந்த தொடக்க விழாவில் இசையமைப்பாளர் ஏ.ஆர்.ரஹ்மான், சோனு நிகம், நடிகர்கள் அக்ஷய் குமார் மற்றும் டைகர் ஷெராஃப் ஆகியோர் பங்கேற்கவுள்ளனர்.
இந்நிலையில் இந்த போட்டிகளுக்கான டிக்கெட் விற்பனை இன்று(18) தொடங்கியுள்ளது. நேரடி டிக்கெட் விற்பனை கிடையாது என்பதால், பல்வேறு தரப்பினரும் இணையத்தளத்தில் டிக்கெட் பெற முயற்சித்தனர்.
பேடிஎம் இன்சைடர் மற்றும் சிஎஸ்கே இணையத்தள பக்கத்தில் டிக்கெட் விற்பனை தொடங்கியது. சிஎஸ்கே இணையத்தள பக்கத்தில் டிக்கெட் விற்பனை தொடங்கிய 10 நிமிடங்களுக்குள் அனைத்து டிக்கெட்டுகளும் விற்று தீர்ந்துள்ளன.
போட்டிகளுக்கான டிக்கெட் விற்பனை
இதேவேளை ஒரே நேரத்தில் பேடிஎம் செயலியில் சில தொழிநுட்ப கோளாறு காரணமாக 12 மணிக்கு டிக்கெட் விற்பனை தொடங்கியுள்ளது.
அதன்போது டிக்கெட் முன்பதிவு செய்ய, முதலில் உள்ளே வருபவர்களுக்கு முன்னிலை என்ற அடிப்படையில் வரிசை முறை பின்பற்றப்பட்டது.
ஏற்கனவே 18 ஆயிரம் டிக்கெட்டுகள் மட்டுமே விற்பனைக்கு வந்திருந்ததால் ரசிகர்கள் பலரும் டிக்கெட் கிடைக்கவில்லை, எனவே சிஎஸ்கே அணி நிர்வாகம் மோசடி செய்துவிட்டதாக விமர்சனங்கள் எழுந்தன.
அஸ்வினின் பதிவு
இந்த நிலையில் தமிழக வீரர் ரவிச்சந்திரன் அஸ்வினுக்கும் டிக்கெட் கிடைக்கவில்லை என்று அவரின் பதிவின் மூலம் தெரிய வந்துள்ளது.
இதுகுறித்து அஸ்வின் தனது எக்ஸ் பக்கத்தில், “சேப்பாக்கத்தில் நடக்கவுள்ள சிஎஸ்கே - ஆர்சிபி அணிகளுக்கு இடையிலான போட்டியை நேரில் காண்பதற்கான டிக்கெட்டுகளுக்கு அதிகபடியான கேள்வி உள்ளது.
எனது மகள்கள் இருவரும் தொடக்க விழா மற்றும் போட்டியை பார்க்க விரும்புகிறார்கள். சென்னை அணி நிர்வாகம் உதவி செய்யவும்” என்று பதிவிட்டுள்ளார்.
இந்திய வீரருக்கு டிக்கெட்டுகள் கிடைக்காமல் இருப்பது இரசிகர்களிடையே ஆச்சரியத்தை ஏற்படுத்தியுள்ளதோடு அஸ்வின் சிஎஸ்கே அணியின் முன்னாள் வீரர் என்பதும் குறிப்பிடத்தக்கது.
Unreal ticket demand for the #CSKvRCB #IPL2024 opener at Chepauk.
— Ashwin ?? (@ashwinravi99) March 18, 2024
My kids want to the see opening ceremony and the game.@ChennaiIPL pls help?
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
யாழ் கோண்டாவில் வடக்கு, Jaffna, Wimbledon, United Kingdom, Barnet, United Kingdom
09 Apr, 2025
கொக்குவில் மேற்கு, மட்டக்களப்பு, கொழும்பு, நெடுங்கேணி, Harrow, United Kingdom
13 Apr, 2025
